Gujarati News

Gujarati News

News of Saturday, 7th July 2018

મારી બાયો-ફિલ્મ બને તો મારો રોલ પ્રિયંકા ચોપરાને આપવો જોઇએ: મિતાલી રાજ

નવી દિલ્હી: ભારતીય મહિલા ક્રિકેટ ટીમની કેપ્ટન મીતાલી રાજે કહ્યું હતું કે મારી બાયો-ફિલ્મ બને તો મારો રોલ પ્રિયંકા ચોપરાને આપવો જોઇએ. મારા મનમાં પહેલેથી એનું નામ છે. ગયા વર્ષથી વાયાકોમ ૧૮ના સંચાલકો મીતાલીની બાયો-ફિલ્મ બનાવવા માટે થનગની રહ્યા હોવાનંુ કહેવાય છે. એની સ્ક્રીપ્ટ અને સ્ટારકાસ્ટની વાતો થતી હતી ત્યારે મીતાલીને એેક અખબારે પૂછ્યું હતું કે તમારી દ્રષ્ટિએ તમારો રોલ કોને આપવો જોઇએ ? ત્યારે આંખના પલકારામાં એણે જવાબ આપ્યો હતો કે મારો રોલ પ્રિયંકા ચોપરા સારી રીતે કરી શકે એમ મને લાગે છે. મારો રોલ પ્રિયંકા ચોપરાને આપવો જોઇએ. અમારા બંનેનાં વ્યક્તિત્ત્વો પણ એકમેકને મળતાં આવે છે. જો કે આ બાબતનો અંતિન નિર્ણય હું ફિલ્મ સર્જકો પર છોડી દેવાનું યોગ્ય સમજું છું. ફિલ્મ સૃષ્ટિ મારો વિષય નથી એટલે હું એ બાબત જે તે ક્ષેત્રના નિષ્ણાતો પર છોડી દેવાનું ઉચિત સમજું છું. મીતાલી વાયાકોમ ૧૮ના સંચાલકોેેને પોતાના વિશેની વિશ્વસનીય માહિતી અને એણે રમેલી મેચની વિડિયો ક્લીપ્સ મેળવવામાં મદદ કરી રહી છે. એણે કહ્યું કે મોટા ભાગનું માહિતી ભેગી કરવાનું કામ પતી ગયું છે. હવે સ્ક્રીપ્ટ લખાઇ રહી છે. એકવાર સ્ક્રીપ્ટ લખાઇ જાય ત્યારબાદ સ્ટારકાસ્ટ અને બાકીની બાબતો હાથ ધરવામાં આાવશે.

(5:06 pm IST)
  • ગુજરાતમાં નદી માર્ગે દારૂની રેલમછેલ : છોટાઉદેપુરના ખડલા ગામેથી ક્વાંટ પોલીસે ત્રણ બોટ સહિત મોટા પ્રમાણમાં વિદેશી દારૂ સાથે એક શખ્શને ઝડપી લીધો :ક્વાંટ તાલુકાના ખડલા ગામે નર્મદા નદીના માર્ગે બેથી ત્રણ બોટમાં વિદેશી દારૂ લાવવામાં આવ્યો હતો access_time 1:22 am IST

  • દક્ષિણ ગુજરાતમાં દરિયાઇ પટ્ટામાં ભારેથી અતિભારે વરસાદની આગાહી કરવામાં આવી છે. સાથે સાથે દરિયાકાંઠે વસતા માછીવારોને દરિયો ન ખેડવા માટે પણ સૂચન કરાયું છે. ભારે આગાહી વચ્ચે વલસાડ, નવસારી, ડાંગ, તાપી, દમણમાં ભારે વરસાદની આગાહી કરવામાં આવી છે. સાથે સાથે વરસાદી માહોલ વચ્ચે વલસાડ અને વાપી સહિતાના અનેક વિસ્તારોમાં વીજળીના કડાકા સાથે તોફાની વરસાદ શરૂ થયો હતો. બીજી તરફ અમેરલીના દામનગર શહેર અને ગ્રામ્ય વિસ્તારમાં સતત એક કલાક ધોધમાર વરસાદ ખાબક્યો હતો. વલસાડમાં 48 કલાકમાં ભારે વરસાદની આગાહી હવામાન ખાતા દ્વારા કરવામાં આવી છે. મળતી માહિતી પ્રમાણે શનિવારે સાંજે ઘપમપુરમાં ત્રણ ઇંચ વરસાદ હતો. તો સુરતમાં ત્રણ કલાકમાં બે ઇંચ વરસાદ ખાબક્યો હોવાની માહિતી મળી હતી. આ સાથે આસપાસના વિસ્તારોમાં 1થી 2 ઇંચ વરસાદ પડ્યો હોવાની માહિતી મળી રહી છે. access_time 1:20 am IST

  • નર્મદાના સાગબારા પંથકમાં ભારે વરસાદને કારણે ભોર આંબલી ગામ પાણીમાં ડૂબ્યું : નદીમાં પુર ને કારણે ગામમાં પાણી ફરી વળ્યા : ખેત મજૂરો સહિત અન્ય ગામમાં ગયેલ લોકો ફસાયા : નદીમાં સુરક્ષા દીવાલ ન હોવાને કારણે ઘરોમાં ઘુસી ગયા પાણી access_time 7:19 pm IST