Gujarati News

Gujarati News

News of Wednesday, 7th February 2018

વડોદરાની ટીમમાં યુસુફ પઠાણનો ફરી સમાવેશ

નવી દિલ્હી: વડોદરાએ ઓલરાઉન્ડર યુસુફ પઠાણને વિજય હજારે ટ્રોફી માટે ફરીથી પોતાની ટીમમાં સામેલ કરી લીધો છે. વડોદરાએ પહેલાં યુસુફને વિજય હજારે ટ્રોફી માટે સામેલ નહોતો કર્યો. યુસુફે ત્યાર બાદ ઢાકા પ્રીમિયર લીગમાં રમવા માટે બીસીસીઆઇ પાસે એનઓસી માગ્યું હતું.બીસીસીઆઇએ ડીપીએલમાં રમવા માટે યુસુફને એનઓસી આપી દીધું હતું. ત્યાર બાદ વડોદરાએ તેને ટીમમાં સામેલ કર્યો છે. ઉલ્લેખનીય છે કે ડોપ ટેસ્ટમાં નિષ્ફળ રહ્યા બાદ બીસીસીઆઇએ યુસુફ પઠાણ પર પાંચ મહિનાનો પ્રતિબંધ લગાવી દીધો હતો.યુસુફ પરનો પ્રતિબંધ ૧૫ ઓગસ્ટ ૨૦૧૭થી શરૃ થયો હતો અને ૧૪ જાન્યુઆરી, ૨૦૧૮ના રોજ સમાપ્ત થઈ ગયો હતો. પ્રતિબંધને કારણે યુસુફ રણજી ટ્રોફીમાં પણ રમી શક્યો નહોતો. 

(5:28 pm IST)
  • સુપ્રીમ કોર્ટે ગોવાની તમામ ૮૮ લોખંડની ખાણોના ખોદકામના લાયસન્સ રદ કર્યા : કોર્ટે રાજ્યને નવી ખોદકામ નીતિ હેઠળ ખાણોની ફાળવણી કરવા અને પર્યાવરણીય મંજૂરી લાવ્યા બાદ બીજીવાર ખોદકામ શરૂ કરવા જણાવ્યું : કોર્ટ અનુસાર, આ બધી ખાણોમાંથી માત્ર ૧૫ માર્ચ સુધી જ ખોદકામ કરી શકાશે access_time 3:30 pm IST

  • ફિલીપાન્સ સરકારે તસ્કરી કરી લાવેલ લકઝરી કારનો કૂરચો બોલાવ્યો : ફિલીપાન્સમાં રાષ્ટ્રપતિ રોડ્રિગો ડુટર્ટેની સરકરે કસ્ટમ વિભાગ દ્વારા જપ્ત કરેલ બે ડઝનથી વધુ પોર્શા, મર્સિડીઝ, જગુઆર જેવી સ્પોર્ટસ અને લકઝરી કારને કચડાવી નાખી : સામાન્ય રીતે સરકાર જપ્ત કરેલી કારની નક્કિ કરેલ પ્રક્રિયા અનુસાર નિલામી કરે છે : ગયા વર્ષે ફિલીપાન્સ સરકારે રૂ.૧૮ કરોડની કિંમતના વાહનો જપ્ત કર્યા હતા access_time 3:31 pm IST

  • એશિયાના સૌથી મોટા વ્યૂહાત્મક એરબેસ પરથી ફ્રાન્સની વાયુસેનાના પ્રમુખે ભારતમાં નિર્માણ પામેલા ફાઈટર જેટ તેજસથી ઉડ્ડયન કર્યું હતું. રાજસ્થાનના જોધપુર એરબેસ પરથી ફ્રાન્સના એર ચીફ માર્શલ આંદ્રે લેનાટોએ કો-પાયલટ તરીકે ભારતમાં નિર્મિત ફાઈટર જેટ તેજસમાં ઉડાણ કર્યું હતું. access_time 7:37 pm IST