Gujarati News

Gujarati News

News of Thursday, 6th December 2018

ઓસ્ટ્રેલિયાના બ્રેડમેન મ્યુઝિયમમાં વિરાટ કોહલીને મળ્યું સન્માન : ભારતનો ત્રીજો ક્રિકેટર બન્યો

નવી દિલ્હી: ભારતીય ક્રિકેટ ટીમનો કેપ્ટન વિરાટ કોહલી તેની બેટિંગના કારણે ભારત જ નહીં સમગ્ર વિશ્વમાં પ્રસિદ્ધ છે. ભારતીય ટીમ હાલ ઓસ્ટ્રેલિયાના પ્રવાસ પર છે. 6 ડિસેમ્બરે એડિલેડમાં શરૂ થયેલી પ્રથમ ટેસ્ટ પહેલાં વિરાટ કોહલીને ઓસ્ટ્રેલિયામાંથી મોટી ખુશખબર મળી છે.ઓસ્ટ્રેલિયાના મહાન ક્રિકેટર સર ડોન બ્રેડમેનને સમર્પિત ધ બ્રેડમેન મ્યૂઝિમે વિરાટ કોહલીને ખાસ અંદાજમાં સન્માનિત કર્યો છે. આ મ્યુઝિયમમાં બ્રેડમેન સિવાય ખૂબ ઓછા ક્રિકેટરોની વસ્તુઓને સ્થાન આપવામાં આવે છે. ભારતમાંથી સચિન તેંડુલકર અને કપિલ દેવને અહીં સ્થાન મળ્યું છે. હવે આ યાદીમાં વિરાટ કોહલીનો સમાવેશ થયો છે. વર્ષ 2014-15ના ઓસ્ટ્રેલિયા પ્રવાસ વખતે સિડનીમાં રમાયેલી અંતિમ ટેસ્ટમાં વિરાટ કોહલીએ શાનદાર સદી ફટકારી હતી. તેની આ ઈનિંગ બાદ કોહલીએ જર્સી પર સહી કરીને દાન કરી દીધી હતી. આ જર્સીને હવે બ્રેડમેન મ્યુઝિયમમાં સ્થાન મળ્યું છે. કોહલીએ તે ઈનિંગમાં 230 બોલમાં 116 રનની સંઘર્ષપૂર્ણ ઈનિંગ રમી હતી.ક્રિકેટ ઓસ્ટ્રેલિયા ઈલેવન સામેની પ્રેક્ટિસ મેચમાં પણ કોહલીએ અડધી સદી ફટકારી શાનદાર ફોર્મનો પરિચય આપ્યો હતો.

(4:58 pm IST)
  • દેશમાં દર આઠમાંથી એક મોત વાયુ પ્રદુષણથીઃ હેલ્થ મીનીસ્ટ્રીના અભ્યાસનું તારણઃ આઉટડોર પ્રદુષણથી ૧૦ લાખથી વધુના મોત ર૦૧૭ મા વાયુ પ્રદુષણથી થયેલ મોતમાં અર્ધા થી વધારેની ઉમર ૭૦ થી ઓછી : રીસર્ચ પેપર પ્રમાણે દુનિયાની ૧૮ ટકા વસ્તી ભારતમાં: ર૬ ટકા મોત વાયુ પ્રદુષણને કારણે : દિલ્હી, ઉતરપ્રદેશ, બિહાર, હરીયાણા, વાયુ પ્રદુષણઃ આયુષ્ય ૧.૭ વર્ષ ઘટે access_time 11:47 pm IST

  • સુરત :જાપાની કંપની ઝીકાના અધિકારી આવતીકાલે સુરત અને નવસારીના ખેડૂતોની કરશે મૂલાકાત :બુલેટ ટ્રેન અને જમીન સંપાદન મુદ્દે ઝીકા કંપનીના આધિકારી ગુજરાત ખેડૂત સમાજ સાથે પણ કરશે ચર્ચા access_time 2:39 pm IST

  • કોલકાત્તામાં 7 ડિસે થી ભાજપની રથયાત્રા માટેની માંગણીને હાઇકોર્ટએ ફગાવી : ભાજપ પ્રેસિડન્ટ અમિત શાહના નેતૃત્વ હેઠળ આવતીકાલથી વેસ્ટ બેંગાલમાં આયોજિત કરાયેલી રથયાત્રાને હાઇકોર્ટએ મંજૂરી નહીં આપતા ડિવિઝન કોર્ટના દ્વાર ખખડાવ્યા : જરૂર પડ્યે સુપ્રીમ કોર્ટ સુધી જવાની તૈયારી access_time 6:55 pm IST