Gujarati News

Gujarati News

News of Thursday, 6th December 2018

સુનિલ છેત્રીની અપીલ ૬૦ હજાર વખત રીટ્વીટ

અમને ગાળો આપો, અમારી ટીકા કરો, પણ ઈન્ડિયન નેશનલ ટીમને રમતી જોવા જરૂર આવો : ૭ હજાર ટિકીટો વેચાઈ'તી

ભારતીય ફૂટબોલ ટીમના કેપ્ટન સુનિલ છેત્રીએ આ વર્ષે ઈન્ટરકોન્ટીનેન્ટલ કપમાં કેન્યા સામે થનારી મેચ પહેલા એક વિડીયો શેર કરીને ભારતીય સમર્થકોને સ્ટેડિયમને ભરી દેવાની અપીલ કરી હતી. કેપ્ટનની આ અપીલને દેશના લોકોએ માન આપતા એ મેચમાં સ્ટેડિયમ દર્શકોથી છલોછલ હતું. છેત્રીના આ વિડીયોને સૌથી વધુ વખત રીટ્વીટ કરવામાં આવ્યો હતો. છેત્રીની અપીલ બાદ સ્ટેડિયમની તમામ ૭૦૦૦ ટીકીટો વેચાઈ ગઈ હતી. છેત્રીએ આ વિડીયોને પોતાના ટ્વીટર હેન્ડલ પર શેર કર્યો હતો. જેને ૬૦,૦૦૦ વખત રીટ્વીટ કરવામાં આવ્યો હતો. રીટ્વીટ ઈન્ડિયાએ આ વાતની જાણકારી આપી હતી. આ વિડીયોમાં છેત્રીએ કહ્યું હતું કે અમને ગાળો આપો, અમારી ટીકા કરો, પરંતુ ઈન્ડિયન નેશનલ ટીમને રમતી જોવા માટે જરૂર આવો, ભારતીય કેપ્ટનની આ અપીલ પહેલા થયેલી મેચમાં માત્ર ૨૫૦૦ દર્શકો જ મેચ જોવા ગયા હતા.(૩૭.૭)

(4:02 pm IST)
  • કોંગ્રેસ-જેડીએસ ગઠબંધન સરકાર અતૂટ :ભાજપ નેતાઓ પહેલા જ દિવસથી સરકાર તોડવાની વેતરણમાં : કુમારસ્વામીએ ભાજપના નેતા પ્રકાશ જાવડેકરના દાવાને ફગાવ્યો : કુમારસ્વામીએ કહ્યું કે ભાજપ છેલ્લા છ મહિનાથી સરકાર ગબડશે તેવી કાગારોળ મચાવે છે : પરંતુ તેની કર્ણાટક સરકાર પર કોઈ અસર પડશે નહીં access_time 1:14 am IST

  • કોલકાત્તામાં 7 ડિસે થી ભાજપની રથયાત્રા માટેની માંગણીને હાઇકોર્ટએ ફગાવી : ભાજપ પ્રેસિડન્ટ અમિત શાહના નેતૃત્વ હેઠળ આવતીકાલથી વેસ્ટ બેંગાલમાં આયોજિત કરાયેલી રથયાત્રાને હાઇકોર્ટએ મંજૂરી નહીં આપતા ડિવિઝન કોર્ટના દ્વાર ખખડાવ્યા : જરૂર પડ્યે સુપ્રીમ કોર્ટ સુધી જવાની તૈયારી access_time 6:55 pm IST

  • ગીરમાંથી સિંહણનો મૃતદેહ મળી આવ્યોઃ સિંહણના ૩ બચ્ચા લાપતા: ગીર સોમનાથના આંબળાશ ગામે સિંહણનો કોહવાયેલી હાલતમાં મૃતદેહ મળી આવતા ખળભળાટઃ વન વિભાગે ત્વરીત તપાસ શરૂ કરી access_time 11:57 am IST