Gujarati News

Gujarati News

News of Thursday, 6th December 2018

ત્રીજી ટેસ્ટમાં પૃથ્વી કરશે વાપસી?

ભારતીય ટીમના કોચ રવિ શાસ્ત્રીએ કહ્યું હતું કે યુવા ઓપનર પૃથ્વી શો પગની ઘૂંટીમાં થયેલી ઈજામાંથી સારો થઈ રહ્યો છે અને મેલબર્નમાં થનારી બોકિસંગ ડે ટેસ્ટ મેચમાં વાપસી કરે એવી શકયતા છે. મુંબઈનો ૧૯ વર્ષનો બેટ્સમેન ઓસ્ટ્રેલિયા ઈલેવન સામેની સીડનીમાં પ્રેકટીસ મેચ દરમિયાન ડીપ મિડવિકેટ બાઉન્ડ્રી પર કેચ પકડતી વખતે ઈજાગ્રસ્ત થઈ ગયો હતો. તેના ડાબા પગની ઘૂંટીમાં ઈજા થઈ હોવાથી તે પહેલી ટેસ્ટ નહિં રમી શકે. ત્રીજી બોકસીંગ ડે ટેસ્ટ ૨૬ થી ૩૦ ડિસેમ્બર વચ્ચે મેલર્બનમાં રમાશે.

શાસ્ત્રીએ કહ્યું હતું કે પૃથ્વી આ રીતે ઈજાગ્રસ્ત થઈ ગયો એ દુઃખદ છે, પરંતુ સારી વાત એ છે કે તેની હાલતમાં ઘણી ઝડપથી સુધારો થઈ રહ્યો છે. તેણે ચાલવાનું શરૂ કરી દીધુ છે. સપ્તાહના અંત સુધીમાં દોડવાનું શરૂ કરી દેશે. તે યુવા ખેલાડી છે. ઝડપથી ફીટ થઈ શકે છે. અમે પર્થ ટેસ્ટ દરમિયાન તેના વિશે નિર્ણય લઈશું.

(4:01 pm IST)
  • કોંગ્રેસ-જેડીએસ ગઠબંધન સરકાર અતૂટ :ભાજપ નેતાઓ પહેલા જ દિવસથી સરકાર તોડવાની વેતરણમાં : કુમારસ્વામીએ ભાજપના નેતા પ્રકાશ જાવડેકરના દાવાને ફગાવ્યો : કુમારસ્વામીએ કહ્યું કે ભાજપ છેલ્લા છ મહિનાથી સરકાર ગબડશે તેવી કાગારોળ મચાવે છે : પરંતુ તેની કર્ણાટક સરકાર પર કોઈ અસર પડશે નહીં access_time 1:14 am IST

  • ફોબર્સની 100 શક્તિશાળી મહિલાઓની યાદીમાં ચાર ભારતીય :ટેલર સ્વીફ્ટ સૌથી યુવા અને રાણી એલિઝાબેથ સૌથી વૃદ્ધ મહિલા : ટોચના સ્થાને જર્મનીની ચાન્સલર એંજલા મર્કલ યથાવત : 51માં ક્રમે રોશની નાદર મલ્હોત્રા,ત્યારબાદ કિરણ મજમુદાર 60માં સ્થાને :88માં ક્રમે શોભના ભરતીયા :અને પ્રિયંકા ચોપડાનું 94માં સ્થાને access_time 1:25 am IST

  • સુરતના મહિધરપુરા વિસ્તારમાં ગેસ્ટ હાઉસમાં SOG પોલીસનો દરોડો :રૂ. 2.77લાખનો મુદ્દામાલ સાથે 7 જુગારીઓ ઝડપાયા access_time 2:39 pm IST