Gujarati News

મેકિસકોઃ સ્પેનના નંબર વન ટેનિસ સ્ટાર પ્લેયર રાફેલ નડાલે તાજેતરમાં જણાવ્યું છે કે તે આવતા વર્ષે થનારા મેકિસકન ઓપનમાં રમશે. નડાલે આ ટુર્નામેન્ટમાં રમવાની હા પાડયા બાદ આયોજકોનું કહેવું હતું કે 'અમારા માટે ૨૦૨૦ની આ ટુર્નામેન્ટ ખાસ છે કેમ કે નડાલ એમાં રમવાનો છે. મને આશા છે કે તેના ચાહકો આ સમાચાર સંભાળી ખુશ થશે.' ૧૯ વખત ગ્રેન્ડ સ્લેમ જીતી ચૂકેલો નડાલ પાંચમી વખત મેકિસકન ઓપનની ટુર્નામેન્ટમાં ભાગ લઈ રહ્યો છે. આ ટુર્નામેન્ટ ૨૪ થી ૨૯ ફેબ્રુઆરી દરમ્યાન રમાશે.