Gujarati News

Gujarati News

News of Sunday, 6th October 2019

વિશાખાપટ્ટનમ સ્ટેડિયમ અનેક સિદ્ધીઓનું સાક્ષી બન્યું: દક્ષિણ આફ્રિકા સામે બન્યા ઘણા વર્લ્ડ રેકોર્ડ

મયંક અગ્રવલની બેવડી સદી : રોહિતે બંને ઇનિંગમાં સદી ફટકારી : જાડેજાની 200 વિકેટ અને અશ્વિનની 350 વિકેટ ઉપરાંત રોહિતે સિક્સર ફટકારવાનો પણ રેકોર્ડ સ્થાપ્યો

વિશાખાપટ્ટનમમાં ભારત-દક્ષિણ આફ્રિકાની વચ્ચેની પ્રથમ ટેસ્ટ મેચ ઘણી યાદગાર બની ગઈ છે. બીજી જ આંતરરાષ્ટ્રીય ટેસ્ટ મેચની મેજબાની કરી રહેલા વિશાખાપટ્ટનમના ડૉ.રાજશેખર રેડ્ડી સ્ટેડિયમ ભારતના ઘણા રેકોર્ડનું સાક્ષી બની ગયુ છે.

મયંક અગ્રવાલની બેવડી સદી ફટકારી, રોહિત શર્માએ બંને ઈનિંગમાં 2 સદી ફટકારી, રવિન્દ્ર જાડેજાનો રેકોર્ડ 200 ટેસ્ટ વિકેટ અને આર.અશ્વિનની 350 ટેસ્ટ વિકેટ પછી હવે આ સ્ટેડિયમની સાથે એક નવો રેકોર્ડ જોડાઈ ગયો છે.

3 મેચની ટેસ્ટ સીરીઝની પ્રથમ મેચમાં જ બંને ટીમો દ્વારા સૌથી વધારે 37 સિક્સર ફટકારવાનો રેકોર્ડ બની ગયો છે. તેમાં રોહિત શર્મા દ્વારા 13 સિક્સર સામેલ છે. રોહિત શર્માએ મેચની પ્રથમ ઈનિંગમાં જ્યાં 6 સિક્સર ફટકારી, ત્યારે તેમને બીજી ઈનિંગમાં પણ 7 સિક્સર ફટકારી હતી.

આ પહેલા એક ટેસ્ટ મેચમાં સૌથી વધારે 35 સિક્સર ફટકારવાનો રેકોર્ડ શારજાહમાં 2014-15માં રમાયેલી પાકિસ્તાન-ન્યૂઝીલેન્ડ મેચના નામે હતો. વિશાખાપટ્ટનમ ટેસ્ટમાં રોહિત શર્માએ બંને ઈનિંગમાં મળીને 13 સિક્સર ફટકારી, ત્યારે મયંક અગ્રવાલે 6, રવિન્દ્ર જાડેજા અને ડીન એલ્ગરે 4-4 સિક્સરો ફટકારી હતી

(5:29 pm IST)
  • દેશની 49 હસ્તીઓ વિરુદ્ધ ફરિયાદ દાખલ કરનાર વકીલના નિશાના પર છે મુખ્યમંત્રી કેજરીવાલ અને ઇમરાનખાન : વકીલ સુધીરકુમાર ઓઝાએ વડાપ્રધાન મોદીના નામ પર ખુલ્લો પત્ર લખનાર 49 હસ્તીઓ વિરુદ્ધ એફઆઈઆર દાખલ કરવી છે : 1996થી અત્યાર સુધીમાં 745 પીઆઈએલ દાખલ કરાવનાર વકીલ સુધીર ઓઝા હવે કેજરીવાલે આરોગ્ય સબંધે કરેલ ટિપ્પણી અને યુનોમાં ઇમરાને કરેલ ભાષણ સામે મોરચો ખોલશે access_time 1:05 am IST

  • મોડીરાત્રે રાજકોટના બજરંગવાડી 25 વારિયા પ્લોટ પાસે રાજીવનગર મેઈન રોડ પર રિક્ષામાં અચાનક આગ ભભૂકી : રિક્ષામાં પેટ્રોલ લીક થતું હોવાથી આગ લાગ્યાનું પ્રાથમિક તારણ : આસપાસના રહીશોએ પાણીનો મારો ચલાવ્યો : સદનસીબે કોઈ જાનહાની કે ઇજા નથી access_time 11:29 pm IST

  • છત્તીસગઢમાં કેશવાનમાંથી એક કરોડની લૂંટ :ગ્રામજનોએ ચાર લૂંટારૂઓને ઝડપ્યા : 20 લાખનું બંડલ ગાયબ : છત્તીસગઢના બેમેતારા જિલ્લામાં એટીએમ કેશવાનમાંથી એક કરોડની લૂંટ કરીને ભાગતા ચાર સશસ્ત્ર લૂંટારુઓ ગ્રામજનોની મદદથી પોલીસે ઝડપી લીધા : ધરપકડ બાદ લૂંટારુઓ પાસેથી 80 લાખ જપ્ત કર્યા : તમામ લૂંટારુઓ હરિયાણાના રહેવાસી :કેશવાનમાં પંચર થતા ટાયર બદલાવતા વખતે લૂંટારૃઓએ બંદૂકની અણીએ કેશવાન લૂંટી : ભાગતા લૂંટારુઓના વાહન પર ગ્રામજનોએ પથરાવ કર્યો પણ ભાગવામાં સફળ થયા બાદ ગ્રામજનોએ ઘેરી લીધા અને પોલીસની નાકાબંધીમાં સપડાયા access_time 12:42 am IST