Gujarati News

ટીમ ઈન્ડિયામાં બધુ બરાબર નથી ચાલી રહ્યું. હવે ખેલાડીઓની પત્ની વચ્ચે થતી તૂ-તૂ મેં-મેં ખેલાડીઓને ભારે પડી રહી છે. છેલ્લા કેટલાંય વખતથી કેપ્ટન્સીને લઈને વિવાદ ચાલી રહ્યો છે અને ટીમમાં સિલેક્શન અંગે પણ મતભેદો વધી ગયા છે.

સિનિયર ખેલાડીઓ ખુશ નથીઃ

એક રિપોર્ટ અનુસાર ટીમના સીનિયર ખેલાડી વિરાટ કોહલી અને ટીમ મેનેજમેન્ટથી ખુશ નથી. રોહિત શર્માએ ઈન્સ્ટાગ્રામ અને ટ્વીટર પર વિરાટ કોહલીને અનફૉલો કરી દીધો હોવાથી આ વાતને હવા મળી છે. શિખર ધવનને ટીમમાંથી બહાર કઢાતા આ વિવાદને વધુ હવા મળી છે.

અનુષ્કા અને શિખર ધવનની પત્ની વચ્ચે વિવાદઃ

ટીમ ઈંગલેન્ડમાં હતી ત્યારે વિરાટની પત્ની અનુષ્કા શર્મા અને શિખર ધવનની પત્ની આયેશા વચ્ચે વિવાદ થયો હતો. ત્યાર પછી શિખરને ટીમમાંથી આઉટ કરવાની વાત ચાલી હતી. જો કે ઈંગલેન્ડ ટેસ્ટ સીરીઝથી અલગ એશિયા કપમાં શિખરનું પરફોર્મન્સ સારુ રહ્યું હતું. જોવા જેવી વાત એ છે કે એશિયા કપમાં કોહલી નહતો રમ્યો.

અનુષ્કા લે છે નિર્ણય?

રિપોર્ટ અનુસાર અનુષ્કાની હાજરીથી ટીમના કેટલાંય ખેલાડીઓ ખુશ નથી. અનુષ્કા કેટલીય વાર ટીમની મીટીંગમાં પણ શામેલ થાય છે.

આ કારણે શિખરને કરાયો આઉટ?

ચર્ચા મુજબ અનુષ્કાએ ઈન્ગલેન્ડની ટ્રિપ દરમિયાન આયશા સાથે તેના પરિવાર અંગે કેટલીક વાત કરી હતી. આ પછી જ બંને વચ્ચે બોલાચાલી થઈ હતી. ત્યાર બાદ ટીમના અન્ય સભ્યોને પણ તેમની વચ્ચેના મતભેદો અંગે જાણ થઈ હતી અને શિખર ધવનને ટીમમાંથી આઉટ થવાની ચર્ચા શરૂ થઈ ગઈ હતી.

BCCIએ રદિયો આપ્યોઃ

BCCIના અધિકારીઓએ આ વાતને રદિયો આપી દીધો છે. BCCIએ નારાજ ખેલાડીઓ સાથે વાત કરી હોવાનો પણ દાવો કર્યો છે જેથી ટીમ ઓસ્ટ્રેલિયા જાય તે પહેલા જ આ મુદ્દો ઉકલી જાય.

કેપ્ટન અને ટીમ વચ્ચે અણબનાવઃ

વિરાટ કોહલી અને ટીમ વચ્ચે અણબનાવની ખબરો છેલ્લા કેટલાંય વખતથી આવી રહી છે. એશિયા કપ પછી રોહિત શર્માએ કેપ્ટન બનવાની તૈયારી દર્શઆવી હતી. આ ખબર બાદ ફરી અનુષ્કાને નિશાના પર લેવામાં આવી રહી છે.

સોશિયલ મીડિયા પર અનફૉલો કર્યાઃ

આ અગાઉ એવી ખબર આવી હતી કે વિરાટ કોહલી અને રોહિત શર્મા વચ્ચે કોઈ મુદ્દાને લઈને મતભેદ થયા છે. સોશિયલ મીડિયા પર બંનેએ એકબીજાને અનફૉલો કરી દીધધા છે. રોહિતે વિરાટની પત્ની અનુષ્કાને પણ અનફૉલો કરી દીધી છે.