Gujarati News

નવી‌ દિલ્હીઃ ખેલાડીઓની કમાણીના આધારે ફિફા વર્લ્ડકપ 2018ની સૌથી મોંઘી ટીમોનું લિસ્ટ બહાર પાડવામાં આવ્યું છે. જેમાં ફાન્સ સૌથી મોંઘી ટીમ તરીકે સામે આવી છે.

1 ફ્રાન્સ, 8180 કરોડ રૂ.

ફ્રાન્સની ટીમ આ વર્લ્ડ કપની સૌથી મોંઘી છે. તેના બધા ખેલાડીની કુલ કિંમત રૂ.8180 કરોડ છે. જેમાં કાઈલિયાન, એન્ટોની ગ્રિઝમેન જેવા ખેલાડી છે.

2 સ્પેન, 8114 કરોડ રૂ.

2010 વર્લ્ડ કપની ચેમ્પિયન સ્પેનની ટીમમાં કુલ રૂ.8114 કરોડના ખેલાડી છે. ટીમમાં ઈનિએસ્તા,જોડી અલ્વા,ડિએગો કોસ્ટા જેવા ખેલાડી છે.

3 જર્મની, 8013 કરોડ રૂ.

વર્તમાન વર્લ્ડ ચેમ્પિયન જર્મનીના ખેલાડીઓની કુલ ફી રૂ.8013 કરોડ છે. ટીમમાં ટોની ક્રૂસ, મેસુત ઓજિલ, થોમસ મૂલર જેવા ખેલાડી છે.

4 બ્રાઝિલ, 7271 કરોડ રૂ.

દુનિયાની સૌથી લોકપ્રિય ટીમમાંની એક બ્રાઝિલની વર્તમાન ટીમ રૂ.7271 કરોડની છે. ટીમમાં નેમાર, કોટિન્હો, જીસસ જેવા સ્ટાર ખેલાડી છે.

5 બેલ્જિયમ, 6033 કરોડ રૂ.

બેલ્જિયમે ભલે વર્લ્ડકપ જીત્યો નહોય, પરંતુ તેની ટીમ પાંચમી સૌથી મોંઘી ટીમ (રૂ.6033 કરોડ) છે. તેનો કેવિન ડીબ્રુઈન જ રૂ.893 કરોડનો છે.

6 ઈંગ્લેન્ડ, 5800 કરોડ રૂ.

2018 વર્લ્ડકપમાં ભાગ લઈ રહેલી ઈંગ્લેન્ડની ટીમ રૂ.5,800 કરોડની છે. હેરી કેન ટીમનો સૌથી મોંઘો ખેલાડી છે. રહીમ,ડેલે અલી જેવા ખેલાડી પણ છે.

7 આર્જેન્ટીના, 5564 કરોડ રૂ.

લાયોનેલ મેસ્સીને સહિત પાઉલો, સર્જિયો એગુએરો, ગોઝાલો એગુએન જેવા સ્ટાર ખેલાડી મળીને આર્જેન્ટીનાની ટીમ રૂ.5564 કરોડની છે.

8 પોર્ટુગલ, 3900 કરોડ રૂ.

સ્ટાર ખેલાડી ક્રિસ્ટિયાનો રોનાલ્ડો સાથેની પોર્ટુગલની ટીમના બધા ખેલાડી સાથે રૂ.3900 કરોડની છે. ટીમમાં ગોનકાલો, બર્નાડો સિલ્વા પણ છે.

9 ઉરુગ્વે, 3109 કરોડ રૂ.

ઉરુગ્વેની ટીમના ખેલાડીઓની કુલ કિંમત રૂ.3109 કરોડ છે. લુઈસ ફિલિપ અને એડિનસન કવાની તેમના મોંઘા ખેલાડી છે. આ બંને રૂ.1163 કરોડના છે.

10 ક્રોએશિયા, 2874 કરોડ રૂ.

ક્રોએશિયાની પાસે રૂ.2874 કરોડની કિંમતના ખેલાડી છે. જેમાં ઈવાન રાકિટિક, લુકા મોડ્રિક, ઈવાન, મારિયો અને માતેઓ જેવા ખેલાડી છે.