Gujarati News

Gujarati News

News of Saturday, 5th December 2020

ઓલરાઉન્‍ડર કોરી એન્‍ડરસને ન્‍યુઝીલેન્‍ડ તરફથી આંતરરાષ્‍ટ્રીય ક્રિકેટ ન રમવાનો નિર્ણયઃ હવે અમેરિકા માટે રમશે

નવી દિલ્હીઃ ઓલરાઉન્ડર કોરી એન્ડરસને ન્યૂઝીલેન્ડથી આંતરરાષ્ટ્રીય ક્રિકેટ ન રમવાનો નિર્ણય કર્યો છે. તે હવે અમેરિકા માટે ક્રિકેટ રમશે.

29 વર્ષીય એન્ડરસનના નામે વનડે ક્રિકેટમાં બીજી સૌથી ઝડપી સદી છે. તે અમેરિકામાં મેજર લીગ ટી20 ક્રિકેટથી શરૂઆત કરશે અને આંતરરાષ્ટ્રીય ક્રિકેટમાં અમેરિકાનું પ્રતિનિધિત્વ કરશે.

એન્ડરસનની પત્ની અમેરિકાની છે અને તેનું નામ મૈરી શામબર્ગર છે અને તેણે કોવિડ-19 મહામારી વચ્ચે મોટાભાગનો સમય ટેક્સાસમાં પસાર કર્યો જ્યાં તેની પત્ની રહે છે.

ઈએસપીએનક્રિકઇન્ફોના રિપોર્ટ પ્રમાણે અમેરિકાનો ઇરાદો વનડે ટીમનો દરજ્જો મેળવવાનો છે અને તેથી તે આંતરરાષ્ટ્રીય સ્તર પર સક્રિય ક્રિકેટરોને સામેલ કરવાનો પ્રયાસ કરી રહ્યું છે.

પાકિસ્તાનના ક્રિકેટર સમી અસલમ અને ઈંગ્લેન્ડની વિશ્વ વિજેતા ટીમના ખેલાડી લિયામ પ્લંકેટ પણ અમેરિકાની રડાર પર છે.

દક્ષિણ આફ્રિકાના રસ્ટી થેરોન અને ડેન પીટે પહેલાથી અમેરિકા માટે રમવાનો નિર્ણય કર્યો છે. મેજર લીગ ટી-20 ક્રિકેટને મંગળવારે એક મોટી રાહત મળી જ્યારે કોલકત્તા નાઇટ રાઇડર્સના માલિકોએ આ લીગમાં રોકાણ કરવાની જાહેરાત કરી હતી. આ લીગ 2022થી શરૂ થઈ શકે છે.

(5:02 pm IST)
  • દિલ્હીમાં સીબીઆઈના દરોડા:દિલ્હીમાં જય પોલીકેમ ઇન્ડિયા લિમિટેડ કંપની ઉપર સીબીઆઈએ મોટાપાયે દરોડા પાડ્યા છે. access_time 11:57 pm IST

  • માળીયા ચોકડી પાસે જૈન સાધ્વીજીને ગંભીર અકસ્માત નડ્યો : અજાણ્યા વાહને હડફેટે લેતા ગંભીર સ્થિતિ : તેમની સાથે વિહાર કરી રહેલ એક સેવિકાનું ઘટનાસ્થળે મૃત્યુ થયાનું જાણવા મળે છે access_time 1:12 pm IST

  • વિજય માલ્યાની ફ્રાન્સમાં આવેલી 14 કરોડ રૂપિયાની સંપત્તિ જપ્ત : હાલમાં લંડન સ્થિત વિજય માલ્યા વિરુદ્ધ મની લોન્ડ્રીંગ કેસ મામલે ઇડીની કાર્યવાહી access_time 7:25 pm IST