Gujarati News

Gujarati News

News of Wednesday, 5th May 2021

આઇપીએલ રદ્દ થયાની જાહેરાત બાદ સોશ્યલ મીડિયામાં એક પછી એક મીમ્સ બનાવીને તેને વાયરલ કરીને ઉતારાતી મજાક

નવી દિલ્લીઃ દેશમાં સતત કોરોનાનું સંક્રમણ વધી રહ્યું છે. વાયરસના વધતા સંક્રમણને કારણે સતત કોરોનાના દર્દીઓની સંખ્યામાં પણ વધારે થઈ રહ્યો છે. એટલું જ નહીં મોતનો આંકડો પણ સતત વધી રહ્યો છે. આ સ્થિતિની વચ્ચે ચાલી રહેલી આઈપીએલની ટુર્નામેન્ટમાં અમુક ખેલાડીઓ કોરોનાથી સંક્રમિત થતાં હવે ઈન્ડિયન પ્રિમિયર લીગ એટલેકે, આઈપીએલની આ વખતની ટુર્નામેન્ટ આઈપીએલ 2021 સસ્પેન્ડ કરવાનો નિર્ણય લેવાયો છે. આ નિર્ણય લેવાતાની સાથે જ સોશલ મીડિયા પર આઈપીએલ અને ખેલાડીઓના મિમ્સ બનવાના શરૂ થઈ ગયા છે.

કારણકે સતત એકબાદ એક ક્રિકેટર્સ કોરોના વાયરસની ઝપેટમાં આવી રહ્યાં છે. અને આ બાબત ખુબ ગંભીર બની શકે છે. સવાલ એ પણ થઈ રહ્યો છેકે, આટલી બધી સતર્કતા, સાવચેતી અને સુરક્ષા હોવા છતાં ખેલાડીઓમાં ક્રોરોનાનું સંક્રમણ ક્યાંથી પહોંચી ગયું.

સતત એકબાદ એક ખેલાડીઓને કોરોનાની ઝપેટમાં આવતા જોઈને સુરક્ષાના કારણોસર આઈપીએલ ગવર્નિંગ કાઉંસિલ અને બીસીસીઆઈએ આપાતકાલિન બેઠક બોલાવીને આઈપીએલને તત્કાલ પ્રભાવથી નિલંબિત એટલેકે, સસ્પેન્ડ કરવાનો નિર્ણય લીધો છે.

BCCI એ સત્તાધાર રીતે આની જાહેરાત કરતા કહ્યું છેકે, બીસીસીઆઈ કોઈપણ સ્થિતિમાં ખેલાડીઓ, સપોર્ટ સ્ટાફ અને જે કોઈપણ આઈપીએલના આયોજન સાથે જોડાયેલાં છે તેમની સુરક્ષા સાથે કોઈ સમાધાન નથી કરી શકતા. આ નિર્ણય આઈપીએલના તમામ ભાગીદારો તેમજ ખેલાડીઓ અને સ્ટાફના સ્વાસ્થ્યને ધ્યાનમાં રાખીને લેવામાં આવ્યો છે.

બીસીસીઆઈની આ પ્રકારની સત્તાવાર જાહેરાત બાદ હવે સોશલ મીડિયામાં એકબાદ એક મીમ્સ બની રહ્યાં છે. લોકો મીમ્સ શેયર કરીને તેની મજાક કરી રહ્યાં છે.

આ મીમ્સના માધ્યમથી દર્શાવવામાં આવ્યું છેકે, આઈપીએલ સસ્પેન્ડ થતાં દરેક ટીમના કેપ્ટનની શું પ્રતિક્રિયા અને શું રિએક્શન છે.

(4:41 pm IST)
  • આજ સાંજ સુધીમાં દિલ્હીમાં ૨૦૯૬૦ નવા કેસ નોધાયા : ૧૯૨૦૯ સાજા થયા અને ૩૧૧ મૃત્યુ થયા access_time 6:31 pm IST

  • રાજસ્થાનની જોધપુર સેન્ટ્રલ જેલમાં સજા ભોગવી રહેલા આસારામ બાપુને બુધવારે રાત્રે જેલમાંથી મહાત્મા ગાંધી હોસ્પિટલમાં ખસેડવામાં આવ્યા છે. જેલમાં તબિયત લથડતા જેલ પ્રશાસન તેમને મહાત્મા ગાંધી હોસ્પિટલમાં લઈ ગયા છે. ત્યાં કોરોના વાયરસના લક્ષણો દેખાય બાદ આસારામ બાપુને કોવિડ -19 ચેપ લાગ્યો હોવાની શંકા સેવાય રહી છે. તેમનો કોવિડ પરીક્ષણનો નમૂના લેવામાં આવ્યો હતો અને તબિયત લથડતાં તેમને હોસ્પિટલના આઈસીયુમાં દાખલ કરાયા હતા. access_time 12:10 am IST

  • પોરબંદરમાં આજે ર૩ મૃતદેહને અન્‍નસંસ્‍કાર કરાયો હતો જેમાં ર કોરોનાનો સમાવેશ થાય છે access_time 11:23 pm IST