Gujarati News

નાગપુર, તા. ૫ : માસ્ટર બ્લાસ્ટર બેટ્સમેન સચિન તેંડુલકર બાદ વનડે સદીના મામલામાં વિરાટ કોહલી હવે બીજા સ્થાને પહોંચી ગયો છે. વિરાટ કોહલીએ વનડે કેરિયરની આજે ૪૦મી સદી ફટકારી હતી. આનીસાથે જ તે હવે સચિન તેંડુલકરના રેકોર્ડ તરફ ઝડપથી વધી રહ્યો છે. સચિન તેંડુલકરે ૪૬૩ મેચોમાં ૪૯ સદી ફટકારી હતી જ્યારે વિરાટ કોહલીએ ૨૨૪મી મેચ રમતા ૪૦ સદી પુરી કરી લીધી છે. તેની સરેરાશને જોતા આગામી દિવસોમાં તે ઝડપથી નવા રેકોર્ડ સુધી પહોંચી શકે છે. ક્રિસ ગેઇલ પણ હાલમાં જોરદાર ફોર્મમાં ચાલી રહ્યો છે તે વનડે ક્રિકેટમાં ૨૫ સદી ફટકારી ચુક્યો છે. સૌથી વધુ વનડે સદી ફટકારનાર બેટ્સમેનો નીચે મુજબ છે.