Gujarati News

Gujarati News

News of Saturday, 4th December 2021

BWF વર્લ્ડ ટૂર ફાઇનલ્સ: યામાગુચી પર રોમાંચક જીત સાથે વર્લ્ડ ટૂર ફાઇનલ્સ ટાઇટલમાં પહોંચી સિંધુ

નવી દિલ્હી: ઓલિમ્પિક મેડલ વિજેતા ભારતની પીવી સિંધુએ શનિવારે જાપાનની અકાને યામાગુચી સામે સંઘર્ષપૂર્ણ અને રોમાંચક ત્રણ ગેમની જીત નોંધાવ્યા બાદ વર્લ્ડ ટૂર ફાઇનલ્સ બેડમિન્ટન ટૂર્નામેન્ટની ટાઇટલ મેચમાં પ્રવેશ કર્યો હતો. સિંધુ ત્રીજી વખત સિઝનની આ છેલ્લી ટુર્નામેન્ટની ફાઇનલમાં પહોંચી છે. તેણીએ 2018 માં આ ખિતાબ જીત્યો હતો અને આ સિદ્ધિ મેળવનારી તે એકમાત્ર ભારતીય છે. વર્લ્ડ નંબર 7 સિંધુનો નંબર 3 જાપાનીઝ સામે 12-8નો રેકોર્ડ હતો. ટોક્યો ઓલિમ્પિકમાં બ્રોન્ઝ મેડલ જીત્યા બાદ સિંધુ ફ્રેન્ચ ઓપન, ઈન્ડોનેશિયા માસ્ટર્સ અને ઈન્ડોનેશિયા ઓપનની સેમીફાઈનલમાં પહોંચી હતી. તે માર્ચમાં સ્વિસ ઓપનની ફાઇનલમાં હારી ગઈ હતી.

(6:10 pm IST)