Gujarati News

નવી દિલ્હી:ભારતના ભૂતપૂર્વ બૅટ્સમૅન વીરેન્દર સેહવાગ સોશ્યલ મીડિયામાં ઘણી વખત ભારતીય સેનાને સપોર્ટ કરતો રહે છે.

તાજેતરમાં તેણે જમ્મુ-કાશ્મીરમાં આ વર્ષે ૨૦૦ આતંકવાદીઓને ઠાર કરવા બદલ સેના અને પોલીસને શુભેચ્છા પાઠવી હતી. રાજ્ય પોલીસે જણાવ્યા પ્રમાણે ૭ વર્ષમાં પહેલી વખત જમ્મુ-કાશ્મીરમાં ઘૂસણખોરી રોકવાના અભિયાનમાં ૨૦૦ આતંકવાદીઓને ઠાર મારવામાં આવ્યા હતા. સેહવાગે ટ્વીટ કરતાં લખ્યું હતું કે ‘ઇન્ડિયન આર્મી અને જમ્મુ-કાશ્મીર પોલીસનો આ વર્ષે નૉટઆઉટ ડબલ સેન્ચુરી ફટકારવા બદલ આભાર. ૨૦૧૭માં ૨૦૦ આતંકવાદીઓનો ખાતમો બોલાવ્યો. જય હિન્દ. આશા રાખીએ કે ત્યાં શાંતિ સ્થપાશે.’