Gujarati News

નવી દિલ્હી: ટીમ ઈન્ડિયાના પૂર્વ કેપ્ટન મહેન્દ્ર સિંહ ધોનીની દીકરી જીવાનો એક વીડિયો સોશિયલ મીડિયા પર ધૂમ મચાવી રહ્યો છે. આ વીડિયોમાં જીવા સ્કૂલમાં જે શીખે છે તેનો અભ્યાસ ઘરે કરતી જોવા મળે છે. આ અગાઉ પણ જીવાના કેટલાક વીડિયો સોશિયલ મીડિયા પર શેર કરવામાં આવ્યા છે. પરંતુ અભ્યાસ કરતી જીવાનો આ વીડિયો લોકોને ખૂબ પસંદ પડી રહ્યો છે. વીડિયોમાં જીવા ગણિતનો અભ્યાસ કરી રહી છે. જીવા એક નાનકડા બોર્ડ પર 1થી 30 સુધીની ગણતરી લખવાનો પ્રયત્ન કરતી જોવા મળે છે. આ વીડિયો જોઈ સ્પષ્ટ થાય છે કે જીવાએ ગણતરી શીખવાની શરૂઆત જ કરી છે. મહત્વપૂર્ણ છે કે જીવાના નામથી ઈન્સ્ટાગ્રામ પર એકાઉન્ટ છે અને તેના 5 લાખથી વધારે ફોલોવર્સ છે. આ અકાઉન્ટમાં જીવાના અલગ અલગ વીડિયો અગાઉ પણ શેર કરવામાં આવ્યા છે.