Gujarati News

Gujarati News

News of Wednesday, 2nd October 2019

હોકીમાં ભારતની આક્રમકઃ શરૂઆત : યજમાન- વિશ્વ ચેમ્પિયન બેલ્જીયમને ૨-૧થી હરાવ્યું

નવી દિલ્હીઃ ભારતીય ટીમે મેચમાં આક્રમક શરૂઆત કરી હતી. પહેલા કવાર્ટરના અંત પહેલા ૧૦ મી મિનિટમાં ભારતને પેનલ્ટી કોર્નર મળ્યો હતો અને રોહિદાસે તેને ફેરવતા ગોલ કર્યો હતો અને ભારતને ૧-૦થી લીડ અપાવી હતી.

બીજા કવાર્ટરમાં, યજમાન બેલ્જિયમે સારી વાપસી કરવાનો પ્રયાસ કર્યો અને આક્રમક વલણ અપનાવ્યું. જોકે, ભારતે પોતાના મજબૂત બચાવ દ્વારા યજમાન ટીમને સમકક્ષતા પ્રાપ્ત કરવાથી દૂર રાખ્યો હતો.

મેચના ત્રીજા કવાર્ટરમાં ફેલિકસ ડેનારે ૩૩ મી મિનિટમાં ગોલ કરીને બેલ્જિયમને ૧-૧નો સ્કોર આપ્યો હતો. આ પછી, ભારતે ૫૩ મી મિનિટમાં સિમરનજીતના ગોલની મદદથી ચોથા અને અંતિમ કવાર્ટરમાં ૨-૧ની લીડ મેળવી હતી. ભારતે આ ધાર અંત સુધી જાળવી રાખી હતી અને મેચ તેના નામે જીતી લીધી હતી. ભારતે હજી યજમાન સામે બીજી મેચ રમવાની બાકી છે.

(1:15 pm IST)