Gujarati News

Gujarati News

News of Tuesday, 1st December 2020

SPLમાં આફ્રિદી અફઘાન ખેલાડી પર ભારે ગુસ્સે થયો

પાકિસ્તાની ક્રિકેટરે તેનું અસલી રૂપ બતાવ્યું : બેટા, હું તારા જન્મ પહેલાથી ક્રિકેટમાં સેન્ચ્યુરી લગાવી રહ્યો છું : નવીન ઉલ હકને આફ્રિદીનો સણસણતો જવાબ

કોલંબો, તા. ૧ : દુનિયાના અલગ-અલગ દેશોમાં અલગ-અલગ દેશના ક્રિકેટરો એકઠા થઈને પ્રીમિયર લીગ રમતા હોય છે, આવામાં શ્રીલંકામાં પ્રીમિયર લીગ રમાઈ રહી છે જે દરમિયાન સોમવારે કેન્ડી ટસ્કર્સ અને ગોલ ગ્લેડિએટર વચ્ચે મેચ રમાઈ રહી હતી. આ દરમિયાન પાકિસ્તાનના પૂર્વ કેપ્ટન શાહિદ આફ્રિદી અને અફઘાનિસ્તાનના યુવા ક્રેકેટર નવીન-ઉલ-હક વચ્ચે ગરમા-ગરમી થઈ ગઈ હતી.

કેન્ડી ટસ્કર્સે ગોલ ગ્લેડિએટર્સને હરાવીને સીઝનની પહેલી જીત મેળવી છે. ટસ્કર્સની બોલર નવીન-ઉલ-હક અને ગ્લેડિએટર્સના મોહમ્મદ આમિર અને શાહિદ આફ્રીદી વચ્ચે ગરમા-ગરમી થઈ હતી જેણે બધાનું ધ્યાન ખેંચ્યું.

મેચની ૧૮મી ઓવર ચાલી રહી હતી અને ત્યારે નવીનના ચોથા બોલ પર આમિરે ચોગ્ગો લગાવ્યો. નવીનનો પાંચમો બોલ ડોટ રહ્યો. આ પછી આમિર સાથે નવીન સાથે વિવાદ થયો. આ દરમિયાન આમિર અને નવીન વચ્ચે ગરમા-ગરમી વધી પરંતુ તેનો અહીં અંત ના આવ્યો. મેચના અંતમાં પણ આવું થયું. આ પછી ગ્લેડિએટરના કેપ્ટન શાહિદ આફ્રીદીએ નવીન સાથે વાત કરવાનો નિર્ણય કર્યો.

આ પછી વિરોધી ટીમના તમામ ખેલાડીઓ સાથે પ્રેમથી હાથ મિલાવ્યો પરંતુ નવીન સાથે કંઈક અલગ અંદાજમાં તે જોવા મળ્યો. ખબર એવી છે કે દિગ્ગજ ઓલરાઉન્ડરે અફઘાન બોલરને કહ્યું, બેટા, હું આંતરાષ્ટ્રીયમાં તારા જન્મ પહેલાની સેન્ચ્યુરી લગાવી રહ્યો છું.

લંકન પ્રીમિયર લીગમાં અત્યાર સુધીમાં ઘણી એક્શન જોવા મળી છે. ટસ્કર્સ અને ગ્લેડિએટર વચ્ચેની મેચમાં દનુષ્કા ગુનાતિલકાએ ૫૩ બોલ પર ૮૨ રનની ઈનિંગ્સ રમીને ૧૯૭ રનનો સ્કોર ઉભો કર્યો. જવાબમાં ટસ્કર્સની ટીમે ૨૦ ઓવરમાં ૧૭૧ રનનો સ્કોર બનાવ્યો.

(7:38 pm IST)
  • દિલ્હીમાં કોરોના ટેસ્ટના ભાવમાં ધરખમ ઘટાડો: દિલ્હીમાં આરટી-પીસીઆર પરીક્ષણના ભાવ રૂ. ૨૪૦૦ થી ઘટીને રૂ. ૮૦૦ થઈ ગયાનું કેજરીવાલની "આપ" સરકારનું કહેવું છે. access_time 8:52 pm IST

  • ગુજરાત સચિવાલયના નાણાં વિભાગના સેક્રેટરી આઈએએસ મિલિન્દ તોરવણેને ગુજરાત અલ્કલાઈન્સ અને કેમિકલ લી ,ના મેનેજીંગ ડિરેક્ટર તરીકેનો વધારો હવાલો સોંપાયો access_time 11:37 pm IST

  • દેશમાં કોરોનાના નવા કેસ કરતા સ્વસ્થ થનારની સંખ્યામાં સતત વધારો : એક્ટિવ કેસમાં ઘટાડો : રાત્રે 10-30 વાગ્યા સુધીમાં કોરોનાના નવા 32,407 કેસ નોંધાયા:કુલ કેસની સંખ્યા 94,95,661 થઇ :એક્ટીવ કેસ 4,28,390 થયા : વધુ 38,355 દર્દીઓ સ્વસ્થ થતા કુલ 89,26,950 રિકવર થયા :વધુ 431 લોકોના મોત સાથે કુલ મૃત્યુઆંક 1,38,090 થયો access_time 12:15 am IST