Gujarati News

ઝારખંડમાં વ્યક્તિગત રીતે સૌથી વધુ ટેક્સ ભરનાર વ્યક્તિ તરીકે એમએસ ધોનીનું નામ સામે આવ્યું છે. ધોનીએ વર્ષ 2017-18નાં વર્ષ માટે રૂપિયા 57.04 કરોડનો ટેક્સ ભર્યો હતો.

  મહેન્દ્રસિંહ ધોનીએ 2017-18માં 57.04 કરોડ રૂપિયાનો ટેક્સ ભર્યો છે. આયકર વિભાગે આયકર મંથન 2018 કાર્યક્રમમાં સૌથી વધુ ટેક્સ ભરનારા નવ લોકોને સન્માનિત કર્યા હતા. સાથે જ વિભાગે ઉત્કૃષ્ટ કામ કરનારા 75 અધિકારી અને કર્મચારીઓનું પણ સન્માન કર્યુ હતું. 

 આ કાર્યક્રમમાં ધોની હાજર ન હતો. તે ક્રિકેટ કંટ્રી ક્લબ ટેનિસ ટૂર્નામેન્ટ રમવા મુંબઇ ગયો હતો. ટેક્સ આપવા મામલે બીજા નંબર પર રાંચીના બિઝનેસમેન નંદકિશોર અને ત્રીજા નંબરે અન્ય એક બિઝનેસમેન શંકર પ્રસાદ છે.