Gujarati News

બ્રેસ્ટ-કેન્સરના મામલે જાગૃતિ લાવવા માટે અમેરિકાની ટેનિસ ખેલાડી સેરેના વિલિયમ્સ ટોપલેસ થઈને એક ગીત ગાયું છે જે સોશ્યલ મીડિયામાં ઘણું વાઇરલ થયું છે. થોડા દિવસ પહેલાં જ US ઓપનની ફાઇનલમાં અમ્પાયર સાથે ઝઘડાને કારણે સેરેના વિશ્વભરમાં ચર્ચાસ્પદ બની હતી, પરંતુ ગઈ કાલે તેણે ફોટો-વિડિયો શેરિંગ વેબસાઇટ ઇન્સ્ટાગ્રામ પર એક વિડિયો રિલીઝ કર્યો હતો જેમાં તેણે હાથથી સ્તનને ઢાંકયાં છે તેમ જ સ્તન-કેન્સરના મામલે જાગૃતિ લાવવા એક ગીત Touch Myself’ ગાયું છે જે દ્વારા મહિલાઓને પોતાના જાતની નિયમિત ચકાસણી કરવા માટે જણાવવામાં આવ્યું છે.

૨૩ વખત એન્ડ-સ્લેમ જીતનાર અમેરિકન ખેલાડીએ કહ્યું હતું કે આ વખતે સ્તન-કેન્સર માટે જાગૃતિ લાવવા એક મહિનાની ઉજવણી દરમ્યાન મેં આ ઓસ્ટ્રેલિયન બેન્ડ ધ ડિવાઇનલ્સનું હિટ ગીત ‘ITouchMyself રેકોર્ડ કરાવ્યું હતું. હા, આ ગીત રેકોર્ડ કરતી વખતે મને થોડોક ખચકાટ થયો હતો, પરંતુ હું આવું કરવા માગતી હતી કારણ કે આ સમગ્ર વિશ્વની મહિલાઓ માટે એક ગંભીર મુદો છે. આ રોગની ઝડપી જાણકારી મળવી જરૂરી છે, કારણ કે એનાથી ઘણાનો જીવ બચાવી શકાય છે.

આ વિડિયો થોડા જ સમયમાં ઘણો વાઇરલ થયો હતો. પહેલાં દસ કલાકમાં જ ૧ કરોડથી વધુ લોકોએ એને જોયો હતો તેમ જ સેરેનાના સાહસને બિરદાવ્યું હતું.(૩૭.૧)