Gujarati News

Gujarati News

News of Friday, 1st June 2018

ચેમ્પિયન્સ ટ્રોફી માટેની ટીમમાં સરદાર સિંહનો સમાવેશ

નવી દિલ્હી: ભૂતપૂર્વ ભારતીય કેપ્ટન સરદારસિંહની ભારતીય હોકી ટીમમાં વાપસી થઈ છે. ગુરુવારે ભારતીય પસંદગીકર્તાઓએ અનુભવી મિડ-ફિલ્ડર સરદાર અને ડિફેન્ડર બિરેંદ્ર લાકડાને પણ ટીમમાં જગ્યા આપી છે. 
હોકી ઈન્ડિયાએ ગુરુવારે ટૂર્નામેન્ટ માટે ૧૮ સભ્યોની ટીમની જાહેરાત કરી. ગોલકીપર પીઆર શ્રીજેશની કેપ્ટનશીપવાળી ટીમમાં ઘણા ફેરફાર કરવામાં આવ્યા છે. સરદારસિંહને કોમનવેલ્થ ગેમ્સમાં ભાગ લેનાર ભારતીય ટીમમાં સ્થાન હતુ અપાયુ. ચેમ્પિયન્સ ટ્રોફી ૨૩ જુનથી નેધરલેન્ડ્સના બ્રેડામાં રમાવાની છે. પસંદગીકર્તાઓએ ડિફેન્ડર રુપિંદર પાલ સિંહ, કોઠાજીત સિંહ અને ગુરીંદર સિંહને ટીમમાં સામેલ નથી કર્યા. તેમજ જરમનપ્રિતસિંહ અને સુરેન્દ્રકુમારને ટીમમાં જગ્યા મળી છે. સ્ટ્રાકર્સની વાત કરવામાં આવે તો લલિત ઉપાધ્યાય અને ગુરજંતસિંહ ટીમમાં સ્થાન મેળવવામાં નિષ્ફળ રહ્યા છે. બીજીબાજુ રમનદીપસિંહની વાપસી થઈ છે. પસંદગીકર્તાએ ગોલકીપર સુરજ કરકેરા અને કૃષ્ણ બહાદુર પાઠકને પણ ટીમમાં જગ્યા આપી છે. શ્રીજેશની કેપ્ટનશીપમાં ભારતીય ટીમે ગત વખતે ટૂર્નામેન્ટમાં સિલ્વર મેડલ મેળવ્યો હતો. ભારતને ફાઈનલમાં દુનિયાની નંબર એક ટીમ ઓસ્ટ્રેલિયા સામે હારનો સામનો કરવો પડયો હતો. ૩૪ વર્ષમાં પ્રથમ વખત ભારતીય ટીમ પોડિયમ પર પહોંચી હતી. 

(5:32 pm IST)
  • આ છાયો પણ મીઠો લાગે!!! : સમગ્ર દેશમાં કાળઝાળ ગરમી પડી રહી છે ત્યારે રાજસ્થાન સૌથી વધુ ગરમ રહયું છે. એવામાં અજમેર પાસે ઓવરલોડ ટ્રક નીચે પણ કોઇજાતની ચિંતા કે પરવા વગર સુતા લોકોમાં સુરજના આકરા મીજાજનું રૂપ દેખાઇ રહયું છે. access_time 4:31 pm IST

  • સુરત બિટકોઈન કૌભાંડ મામલો : જીજ્ઞેશ મોરડિયા, ઉમેશ ગોસ્વામી, મનોજ ક્યાડાને કોર્ટમાં રજૂ કરાયા : ત્રણેય આરોપીઓની ગઈકાલે થઇ હતી ધરપકડ : 155 કરોડના બિટકોઈન લૂંટમાં હતાં સામેલ : શૈલેષ ભટ્ટના કહેવાથી થઇ હતી અપહરણ-લૂંટ : જીજ્ઞેશ પાસેથી 25 કરોડના બિટકોઇન-9 કિલો સોનુ જપ્ત access_time 2:55 pm IST

  • મેઘાલયમાં વિજય બાદ કોંગ્રેસ સૌથી મોટી પાર્ટી :મેઘાલયની અપાતી વિધાનસભા સીટ પર કોંગ્રેસની જીતથી સૌથી મોટી પાર્ટી બનવા છત્તા વિપક્ષમાં બેસશે:60 સભ્યોની વિધાનસભામાં કોંગ્રેસના હવે 21 ધારાસભ્યો થયા: સતાધારી એનપીપીથી એક સીટ વધુ છે :એનપીપીનાં નેતૃત્વવાળી સરકારમાં ભાજપના 2,યુડીપીના 6,પીડીએફના 4,એચએસપીડીપી2,એનસીપી 1,અને 2 અન્ય મળીને સરકાર બની છે access_time 1:17 am IST