Gujarati News

Gujarati News

News of Friday, 1st June 2018

ભારતના પ્રવાસે આવનારી તમામ ટીમો અફઘાનિસ્તાન સામે રમશે પ્રેકિટસ મેચ

યુદ્ધ અને આતંકવાદની સમસ્યાથી પીડાતા ખેલાડીઓના આત્મવિશ્વાસ અને કુશળતામાં વધારા માટે ભારતીય ક્રિકેટ બોર્ડે કરી વ્યવસ્થા

ભારતનો પ્રવાસ કરનારી તમામ આંતરરાષ્ટ્રીય ટીમો હવે અફઘાનિસ્તાન સામે એક પ્રેકટીસ મેચ રમશે, જેને કારણે યુદ્ધ અને આતંકવાદથી પીડિત આ દેશના ક્રિકેટ ખેલાડીઓને સતત આંતરરાષ્ટ્રીય ક્રિકેટ રમવાનો અનુભવ મળશે. અફઘાનિસ્તાન ક્રિકેટ બોર્ડના જણાવ્યા પ્રમાણે ભારતીય ક્રિકેટ બોર્ડના કાર્યકારી સચિવ અમિતાભ ચૌધરીએ પોતાના કાબુલ - પ્રવાસ દરમિયાન આ ઘોષણા કરી છે. બંને દેશો વચ્ચે દ્વિપક્ષી ક્રિકેટ સંબંધો પર ચર્ચા કરવા માટે અમિતાભ ચૌધરી ત્યાં ગયા છે.

ભારત ૧૪થી ૧૮ જૂન સુધી અફઘાનિસ્તાન સાથે પહેલી ઐતિહાસિક ટેસ્ટની બેંગ્લોરમાં યજમાની કરશે. અમિતાભ ચૌધરીએ કહ્યું હતું કે આ નિર્ણયથી ખેલાડીઓના આત્મવિશ્વાસ અને કુશળતામાં વધારો થશે. અફઘાનિસ્તાન ક્રિકેટ બોર્ડના અધ્યક્ષ આતીફ મશાલે કહ્યું હતું કે 'અફઘાનિસ્તાન હવે આઈસીસીનું કાયમી સભ્ય છે. અમારા ભારતીય ક્રિકેટ બોર્ડ સાથે સારા સંબંધો છે, જેમાં વધુ મજબૂતી આવશે.'

(4:39 pm IST)
  • સુરત બિટકોઈન કૌભાંડ મામલો : જીજ્ઞેશ મોરડિયા, ઉમેશ ગોસ્વામી, મનોજ ક્યાડાને કોર્ટમાં રજૂ કરાયા : ત્રણેય આરોપીઓની ગઈકાલે થઇ હતી ધરપકડ : 155 કરોડના બિટકોઈન લૂંટમાં હતાં સામેલ : શૈલેષ ભટ્ટના કહેવાથી થઇ હતી અપહરણ-લૂંટ : જીજ્ઞેશ પાસેથી 25 કરોડના બિટકોઇન-9 કિલો સોનુ જપ્ત access_time 2:55 pm IST

  • દક્ષિણ સૌરાષ્ટ્ર અને દક્ષિણ ગુજરાતમાં હળવા વરસાદની આગાહી : ગુજરાતમાં ૧૦ જુન આસપાસ ચોમાસાની સતાવાર જાહેરાત થઈ શકે access_time 4:19 pm IST

  • વાયરલ વીડિયોમાં ગોવિંદા સ્ટાઈલથી ડાન્સ કરતા આ વિદિશાના સંજીવ શ્રીવાસ્તવ ભોપાલની એક એન્જીનીયરીંગ કોલેજના આસિસ્ટન્ટ પ્રોફેસર કહે છે કે તેઓએ ડાન્સની કોઈ ટ્રેનિંગ લીધી નથી :અને 80ના દાયકામાં મધ્યપ્રદેશના બેસ્ટ ડાન્સરનો એવોર્ડ મેળવ્યો હતો access_time 1:07 am IST