રતનપર પાસે બાઇક ડિવાઇડરમાં અથડાતાં ગવરીદળ રહેતાં રાવજી રાઠવાએ જીવ ગુમાવ્યો

મુળ વડોદરા પંથકનો આદિવાસી યુવાન પિત્રાઇ સાથે હટાણું કરવા જતો'તો હતો ને...

રાજકોટ તા. ૨૮: મોરબી રોડ પર રતનપર પાસે બાઇક સ્લીપ થઇ ડિવાઇડરમાં અથડાતાં ચાલક ગવરીદળ રહેતાં મુળ વડોદરા પંથકના ગામના રાવજી જેન્તીભાઇ રાઠવા (ઉ.૩૦)ને માથામાં ગંભીર ઇજા થતાં સિવિલ હોસ્પિટલમાં ખસેડાયો હતો. પરંતુ અહિ મોત નિપજ્યું હતું.

રાવજી ત્રણ ભાઇમાં મોટો હતો. તેને સંતાનમાં બે પુત્રી અને એક પુત્ર છે. તે સાંજે પિત્રાઇ ભાઇ વિજય સાથે ગવરીદળની વાડીએથી હટાણું કરવા જતો હતો અને રસ્તામાં અકસ્માત નડ્યો હતો. પાછળ બેઠેલા વિજયનો બચાવ થયો હતો. મૃતક કેટલાક સમયથી ગવરીદળ રહી ખેત મજૂરી કરતો હતો. કુવાડવાના હેડકોન્સ. એચ. એલ. સબાડે જરૂરી કાર્યવાહી કરી હતી.