ચોટીલા જીલ્લા/તાલુકા અને પાલિકાની ચંૂટણી માટે ભાજપની સેન્સ
જીલ્લા પંચાયતમાં ૨૫, તાલુકા માટે ૭૫ : શહેરમાં સૌથી વધુ વોડ ૪ માં ૧૪ દાવેદારો
ચોટીલા તા. ૨૮ : ચોટીલા પંથકની જીલ્લા પંચાયત, તાલુકા પંચાયત અને નગર પાલિકા દ્વારા સેન્સ પ્રક્રિયા હાથ ધરવામાં આવેલ હતી. શહેર કક્ષાએ નિરીક્ષક તરીકે વાઘજીભાઇ ચૌહાણ, ભાવેશભાઇ મકવાણા, સુરેખા બેન પટેલ ઉપસ્થિત રહ્યા હતા
નગર પાલિકાના ૬ વોર્ડમાં ૨૪ ઉમેદવારો સામે ૪૬ લોકોએ લડવા ઇચ્છા દર્શાવી દાવેદારી રજુ કરી છે જેમા સૌથી વધુ વોર્ડ નં.૪માં ૧૪ લોકોએ માગણી કરતા અચંબો ફેલાયેલ છે.
ગ્રામ્ય કક્ષાએ નિરીક્ષક તરીકે ચંદ્રશેખરભાઇ દવે, પી. કે. પરમાર અને મંજુલાબેન ધાડવી હાજર રહ્યા હતા જેઓની સમક્ષ ૪ જીલ્લા પંચાયત ની સીટ માટે ૨૦ જેટલા ઇચ્છુકોએ અને ૧૮ તાલુકા પંચાયત ની બેઠક માટે ૭૦ જેટલા લોકોએ લડવા માટે ની ઈચ્છા રજુ કરી દાવેદારી નોંધાવી છે.
સૌથી વધુ તાલુકાની ઢોકળવા અને જીઝૂંડા સીટ માટે લડવા ઇચ્છુક એ માગણી વ્યકત કરેલ છે. પાર્ટી દ્વારા હાથ ધરાયેલ આ પ્રક્રિયા માટે એક ફોર્મેટ ફોર્મ ભરીને આપવું ઇચ્છુકો માટે ફરજીયાત હતું જેમા અનેક કોલમો નવા બદલતા યુગના રાજકારણમાં નોંધનીય બનેલ છે.