ભાવનગરના મહુવામાં બાથરૂમમાં પડી જતાં ઇજાઃ ભારતીબેન સોનીનું મોત

રાજકોટની ખાનગી હોસ્પિટલમાં દમ તોડ્યોઃ પરિવારજનોમાં શોક

રાજકોટતા. ૨૭: ભાવનગરના મહુવામાં રહેતાં ભારતીબેન ધર્મેન્દ્રભાઇ સાગર (સોની) (ઉ.વ.૪૫)નું ઘરના બાથરૂમમાં પડી જતાં ઇજા થવાથી મોત નિપજતાં પરિવારમાં શોક છવાઇ ગયો હતો.

મહુવા રહેતાં ભારતીબેન તા. ૨૩/૧ના રોજ બાથરૂમમાં પડી જતાં ઇજા થતાં ભાવનગર સારવાર અપાવી રાજકોટ ખાનગી હોસ્પિટલમાં ખસેડાયા હતાં. અહિ સારવાર દરમિયાન દમ તોડી દેતાં પરિવારમાં શોક છવાઇ ગયો હતો. મૃત્યુ પામનાર ભારતીબેનના પતિ પ્રાઇવેટન નોકરી કરે છે. તેમને સંતાનમાં એક પુત્ર અને એક પુત્રી છે. બે સંતાન મા વિહોણા થતાં પરિવારમાં શોક છવાઇ ગયો હતો. રાજકોટ પોલીસે પ્રાથમિક કાગળો કરી મહુવા પોલીસને જાણ કરી હતી.