મોરબીના રંગપર ગામ નજીક આવેલ એક્સીસ બેંકનું એટીએમ તોડી રોકડ રકમની ચોરીનો કરાયો પ્રયાસ

કાર શો રૂમમાં થયેલી ચોરીનો ભેદ હજુ ઉકેલાયો નથી તાય્રે હવે એટીએમ તોડી ચોરીનો પ્રયાસ

મોરબી પંથકમાં કાયદો અને વ્યવસ્થાની સ્થિતિ સારી છે તેમજ ચોરી જેવા ગુનામાં ઘટાડો નોંધાયું હોવાનું રેંજ આઈજીએ વાર્ષિક ઇન્સ્પેકશન સમયે કહ્યું હતું જોકે મોરબીમાં રવાપર રોડ પર બેંક એટીએમ તોડી ચોરીનો પ્રયાસ બાદમાં કાર શો રૂમમાંથી લાખોની રોકડ ચોરી બાદ હવે રંગપર નજીક બેંક એટીએમ તોડી ચોરીનો પ્રયાસ કર્યાની ઘટના પ્રકાશમાં આવી છે

રંગપર ગામ નજીક આવેલ એક્સીસ બેંકનું એટીએમ તોડી રોકડ રકમની ચોરીનો પ્રયાસ તસ્કર ટોળકી દ્વારા કરવામાં આવ્યો હતો રોકડ કાઢવાની લાલચમાં ટોળકીએ એટીએમ તોડી નાખ્યું હતું પરંતુ તસ્કરોને રોકડ દલ્લો હાથ લાગ્યો ના હતો જે બનાવની જાણ થતા મોરબી તાલુકા પોલીસ ટીમ તુરંત દોડી ગઈ હતી અને બનાવ મામલે વધુ તપાસ હાથ ધરી છે  અત્રે ઉલ્લેખનીય છે કે થોડા જ દિવસો પૂર્વે રવાપર રોડ પર એક્સીસ બેંક એટીએમ તોડી રોકડ ચોરીનો પ્રયાસ કરવામાં આવ્યો હતો તો કાર શો રૂમમાં થયેલી ચોરીનો ભેદ હજુ ઉકેલાયો નથી તાય્રે હવે એટીએમ તોડી ચોરીનો પ્રયાસ કરાયો છે જે પોલીસના નાઈટ પેટ્રોલિંગ સામે આંગળીઓ ચીંધે છે અને નાઈટ પેટ્રોલિંગના દાવાઓ પોકળ સાબિત થઇ રહ્યા છે