જામનગરના લાખોટા તળાવથી ગૂમ થયેલ બાળકી મળી જોગવડથી અપહરણકર્તા મહિલા અને જીયા મળી આવ્યા

બન્નેને જામનગર લાવવા કવાયત :પોલીસે ગણતરીની કલાકોમાં બાળકીની ભાળ મેળવી

 

જામનગરના લાખોટા તળાવમાંથી ગૂમ થયેલી બાળકી જીયાની ભાળ મળી ગઇ છે .બાળકીને લઇને ગૂમ થઇ જનાર અપહરણકાર મહિલા અને બાળકી જોગવડ ગામેથી મળી આવ્યા છે. બાળકીની ભાળ મળ્યા બાદ પોલીસ દ્વારા મહિલા અને બાળકીને જામનગર લાવવા કવાયત હાથ ધરાઇ હતી. તો બાળકીના માતાપિતા તેની દિકરીના મળી જવાથી ખૂબ જ ખુશ થયા છે. નોંધનીય છેકે 23 તારીખે માતા સાથે ફરવા ગયેલી જીયા ગૂમ થઇ હતી. જે બાદ સીસીટીવીમાં એક મહિલા સાથે જીયા જોવા મળી હતી. જે બાદ પોલીસે સીસીટીવીના આધારે તપાસ હાથ ધરી હતી.