ભુજના ગજોડની કંપનીમાં કર્મચારીનું શંકાસ્પદ રીતે મોત થતાં લોકોએ કંપની વિરુદ્ધ ઉગ્ર વિરોધ

હતભાગીના પત્નીનું પણ આઘાત લાગવાથી મોત નીપજ્યું

ભુજ  તાલુકાના ગજોડ ગામે આવેલી સુમિટોમો કંપનીમાં કામ કરતાં એક કર્મચારીનું શંકાસ્પદ રીતે મોત થતાં લોકોમાં રોષ ફેલાયો છે. કંપનીના કચરાપેટીમાંથી ઉદ્ભવેલા ઝેરી ગેસ શ્વાસમાં ગયા હોવાથી કર્મચારીનું મોત થયું હોવાનો લોકોએ આક્ષેપ કર્યો છે. ઘટના બાદ કંપની દ્વારા હતભાગીને તાત્કાલિક હોસ્પિટલ ખસેડવામાં ન આવ્યો હોવાનો પણ આક્ષેપ કરાયો હતો. હતભાગીના પત્નીનું પણ આઘાત લાગવાથી મોત નીપજ્યું હતું.