મોટી કુંકાવાવ-૩, ભાદર-ર ડેમ ઉપર સવા ઇંચ

સૌરાષ્ટ્ર-કચ્છમાં મેઘાનો વિરામઃ અમૂક વિસ્તારોમાં જ હળવો વરસાદ નોંધાયોઃ સવારથી તડકો

રાજકોટ તા. રર :.. સૌરાષ્ટ્ર-કચ્છમાં મેઘાએ વિરામ લીધો હોય તેમ અમુક વિસ્તારમાં જ ગઇકાલે હળવો વરસાદ વરસ્યો હતો અને આજ સવારથી તડકો છવાયો હતો જો કે ગઇકાલે સૌથી વધુ વરસાદ મોટી કુંકાવાવમાં ૩ ઇંચ વરસ્યો હતો. બીજી તરફ અનેક વિસ્તારોમાં વિજળી ગાજી હતી જેમાં ઢાંક, ધોરાજી, જામકંડોરણા, કેશોદમાં પડી હતી. જે સવારે ૮ વાગ્યા સુધીનો વરસાદ નીચે મુજબ છે.

આ ઉપરાંત સૌરાષ્ટ્રના ડેમો ઉપર પણ છેલ્લા ર૪ કલાકમાં વરસાદ વરસ્યો હતો. જેમાં રાજકોટ જીલ્લાના ભાદર-ર ઉપર ૩૦, આજી-૩ ઉપર ર૦, સોડવદર-ર૦, સુરવો-૧૭, ખોડપીપર -૧પ, વેણુ-ર ઉપર -૧પ, ભાદર-૧૩, મોજ-૧૦, વેરા-૧૦, છાપરવાડી-ર ઉપર-૬, ફોફળ-પ, હાલારમાં વાડીસંગ-ર૦, ડાઇ મીણસાર-૧૦, ફુલઝર-પ, ઉમીયાસાગર-પ, સાકરોલી ડેમ (અમરેલી જીલ્લો ઉપર ૯ મી. મી. વરસાદ નોંધાયો છે.

વિજળી પડતા વિન્ડફાર્મને લાખોનું નુકસાન

ઉપલેટા : તાલુકાના ઢાંક ગામે ગત તા. ૨૦ના રોજ વરસાદી માહોલ બંધાયા બાદ ભારે ગાજવીજ સાથે વરસાદ શરૂ થયેલ હતો અને બાદમાં ઢાંક ગામે આવેલ નિરમા લીમીટેડ કંપનીના વિન્ડફાર્મમાં આવેલ પવનચક્કી ઉપર વિજળી પડતા કંપનીને લાખો રૂપિયાનું નુકસાન થયાનું જાણવા મળેલ છે.

મોટી કુંકાવાવમાં ૩૦ મિનિટમાં ૨ ઇંચ

મોટી કુંકાવાવમાં અસહ્ય ઉકળાટ બાદ બપોરના ૩.૩૦ થી ૪ વાગ્યા સુધીમાં ૩૦ મિનિટમાં ધોધમાર ૨ ઇંચ વરસાદ પડી ગયેલ છે. આ વર્ષના અતિશય વરસાદથી ખેડૂતોના ઉભા પાકને નુકસાન થવાની પૂરેપૂરી શકયતા છે. તલનો પાક તો પૂરેપૂરો નાશ પામી ગયેલ છે અને મગફળીનો પાક પણ પૂરો થઇ જવાની શકયતા છે. મુખ્યમંત્રીએ જાહેર કરેલી કૃષિ સહાયમાં કુંકાવાવ - વડિયા તાલુકાને આવરી લેવામાં આવે તેવી ખેડૂતોની માંગણી છે.

કેશોદમાં વિજળી પડી અડધો કલાકમાં એક ઇંચ

કેશોદમાં સાંજે પોણા છ વાગ્યાના અરસામાં જોરદાર પવન સાથે અનરાધાર વરસાદ શરૂ થતાં અડધા કલાકમાં એક ઇંચથી વધુ વરસાદ પડેલ છે. રસ્તાઓ પાણી પાણી થઇ ગયેલ છે. વરસાદથી જગતનો તાત મુશ્કેલીમાં મુકાયો છે. વરસાદની સાથે સાથે વેરાવળ રોડ પર આવેલ ગણેશનગરમાં બાબુભાઇ સોરઠીયાના મકાન ઉપર વિજળી પડતા મકાનનું ઇલેકટ્રીક વાયરીંગ બળીને ખાક થઇ ગયું હતું.

અમરેલી જીલ્લો
અમરેલી	૯	મી.મી.
ખાંભા	૧૪	''
ધારી	૧૦	''
બગસરા	૭	''
બાબરા	૧૯	''
લાઠી	૧પ	''
લીલીયા	૧૩	''
વડીયા	૧૦	''
સા.કુંડલા	ર	''
ગોહિલવાડ
ઉમરાળા	ર	મી.મી.
ઘોઘા	૮	''
જેસર	પ	''
તળાજા	૧	''
પાલીતાણા	૧	''
ભાવનગર	૬	''
શિહોર	૧	''
કચ્છ
માંડવી	ર	મી.મી.
ગીર જીલ્લો
ઉના	ર	મી.મી.
કોડીનાર	ર	''
ગીરગઢડા	૧૩	''
તાલાળા	ર૮	''
વેરાવળ	૩	''
સુત્રાપાડા	૧	''
મોરબી જીલ્લો
વાંકાનેર	૧૦	મી.મી.
હાલાર
ધ્રોલ	૧૩	મી.મી.
જામજોધપુર	૧૦	''
કાલાવડ	ર	''
સોરઠ
કેશોદ	૩૦	મી.મી.
જુનાગઢ	૭	''
ભેંસાણ	૧૦	''
મેંદરડા	૭	''
માંગરોળ	૬	''
માણાવદર	૩૬	''
માળીયાહાટીના	૩૭	''
વંથલી	૧૦	''
વિસાવદર	પ૮	''