ખીરસરા (રણ) જૂથ સેવા સહકારી મંડળીના પ્રમુખપદની મુદ્દત પુર્ણ : અત્યાર સુધી બિનહરીફ વરણી

ખીરસરા(રણ) તા.રર : લોધીકા તાલુકા તેમજ રાજકોટ જીલ્લામાં આગવુ સ્થાન ધરાવતી છ ગામના ૭૪૧ સભાસદો ધરાવતી ખીરસરા (રણ) જૂથ સેવા સહકારી મંડળીના પ્રમુખની મુદ્દત પુર્ણ થયેલ છે. આ મંડળીમાં ખીરસરા મેટોડા બાલસર રાતૈયા વાજડી (વડ) હરીપર (પાળ) આમ છ ગામના ખેડૂત ખાતેદારો સભાસદો છે અને ૧૯૫૪ થી અત્યાર સુધી મંડળીના પ્રમુખ કે કમીટીની ચુંટણી થયેલ નથી બીનહરીફ વરણી કરવામાં આવેલ છે.

પ્રથમ પ્રમુખ માવજીભાઇ વેકરીયા ત્યારબાદ ખીરસરાના ખેડૂત અગ્રણી જયેન્દ્રસિંહ જાડેજા પ્રમુખ તરીકે કાર્યભાર સંભાળતા જેમનું ૬ માસ પહેલા અવસાન થતા આ મંડળીના ખાતેદાર તેમજ રાજકોટ ગ્રામ્યના ધારાસભ્ય લાખાભાઇ સાગઠીયાને સર્વે સહમતીથી પ્રમુખ તરીકે નિમણુંક કરવામાં આવેલ જેમાં અગાઉના પ્રમુખ પાંચ વર્ષની મુદ્દત પુર્ણ થતા આગામી પાંચ વર્ષ માટે વ્યવસ્થાપક કમિટીની ચુંટણી પ્રક્રિયા ચુંટણી અધિકારી બી.સી.સખીયા જાહેર કરશે.