સ્વતંત્રતા સેનાની મૌલાના અબ્દુલ કલામ આઝાદની આજે પુણ્યતિથી

જસદણ, તા.૨૨: ભારતની સ્વતંત્રતા સંગ્રામ દરમિયાન મૌલાના અબ્દુલ કલામ આઝાદ સૌથી પ્રભાવશાળી સ્વતંત્રતા કાર્યકર્તાઓમાંના એક હતા. તેઓ એક જાણીતા લેખક, કવિ અને પત્રકાર પણ હતા. તે મુસ્લિમ હોવા છતાં, આઝાદ મોહમ્મદ અલી ઝીણા જેવા મુસ્લિમ નેતાઓની કટ્ટરપંથી નીતિની હંમેશા વિરુદ્ઘ રહ્યા હતા. મૌલાના અબદુલ કલામ આઝાદ સ્વતંત્ર ભારતના પ્રથમ શિક્ષણ પ્રધાન પણ બન્યા હતા. ૧૯૯૨ માં મૌલાના અબ્દુલ કલામ આઝાદને મરણોત્તર ભારતનો સર્વોચ્ચ નાગરિક સન્માન 'ભારત રત્ન'એનાયત કરાયો હતો.

મૌલાના અબ્દુલ કલામ આઝાદનો જન્મ ૧૧ નવેમ્બર, ૧૮૮૮ માં ઇસ્લામના મુખ્ય યાત્રાધામ મક્કામાં થયો હતો. તેની માતા સમૃદ્ઘ અરબી શેખની પુત્રી હતી અને તેના પિતા મૌલાના ખૈરુદ્દીન, અફદ્યાન મૂળના બંગાળી મુસ્લિમ હતા. આઝાદ પ્રખ્યાત ઉલામા અથવા ઇસ્લામના વિદ્વાનોના વંશજ હતા. ૧૮૯૦ માં, તે પરિવાર સાથે કોલકાતા પાછા ગયા.

મૌલાના આઝાદે પ્રારંભિક શિક્ષણ અરબી, પર્સિયન અને ઉર્દૂમાં સાથે મેળવ્યું હતું. તેઓ અંગ્રેજી ભાષા, વિશ્વનો ઇતિહાસ અને રાજકારણ પણ જાતે જ શીખ્યા. મૌલાના આઝાદનો લેખન પ્રત્યેનો કુદરતી ઝુકાવ હતો અને આના પરિણામ સ્વરૂપ ૧૮૯૯ માં માસિક મેગેઝિન 'નાયરાંગ-એ-આલમ' ની શરૂઆત થઈ. ભારતીય તેમજ વિદેશી ક્રાંતિકારી નેતાઓની દ્વારા પ્રેરિત થઈને આઝાદ એ ૧૯૧૨માં અલ-હિલાલ તરીકે સાપ્તાહિક શરૂ કર્યું હતું. સાપ્તાહિક, બ્રિટીશ સરકારની નીતિઓ પર હુમલો કરવા માટે એક પ્લેટફોર્મ હતું અને તેમાં સામાન્ય ભારતીયો દ્વારા સહન કરવામાં આવતી સમસ્યાઓની પ્રકાશિત કરવામાં આવતી હતી. જેથી તે ખુબજ લોકપ્રિય બન્યુ હતું. બ્રિટીશ સરકારે સાપ્તાહિક પર પ્રતિબંધ મૂકયો હતો. મૌલાના ધર્મોના સહ-અસ્તિત્વમાં મક્કમ પણે માનતા હતા. તેનું સ્વપ્ન એકીકૃત સ્વતંત્ર ભારતનું હતું જયાં હિન્દુ અને મુસ્લિમોએ શાંતિપૂર્ણ રીતે સાથે મળીને રહે તેમ છતાં, આઝાદની આ દ્રષ્ટિ ભારતના ભાગલા પછી વિખેરાઈ ગઈ હતી, પરંતુ તેઓ આસ્તિક રહ્યા. તેઓ દિલ્હીમાં જામિયા મીલીયા ઇસ્લામીયા સંસ્થાના સ્થાપક હતા. તેનો જન્મદિવસ, ૧૧ નવેમ્બર, ભારતમાં રાષ્ટ્રીય શિક્ષણ દિવસ તરીકે ઉજવવામાં આવે છે. ૨૨ ફેબ્રુઆરી, ૧૯૫૮ ના રોજ ભારતીય સ્વતંત્રતા સંગ્રામના અગ્રણી નેતા મૌલાના અબ્દુલ કલામ આઝાદનું નિધન થયું.