ચોટીલામાં તસ્કરોની રંજાડ મેઇન બજારમાં કપડાની દુકાનના ખપેડા તોડી ૫૦ હજારના પેન્ટ શર્ટની ચોરી

ચોટીલા તા.૨૨: રવીવાર રાત્રી થી સોમવાર પરોઢ વચ્ચે મેઇન બજારમાં આવેલ રેડીમેઈડ કપડાની દુકાન યોગેશ સ્ટોર્સમાં પાછળનાં ભાગનાં પતરા ઉચા કરી દુકાનમાં કોઇ અજાણ્યા ઈસમોએ પ્રવેશ કરી પેન્ટ શર્ટની ૫૦ જોડી રૂ. ૫૦.૦૦૦ની ચોરી કરેલ હતી સવારે દુકાનદારે દુકાન ખોલતા ચોરી થયાની જાણ થતા પોલીસ ને જાણ કરેલ હતી

શહેરમાં વધતા ચોરીનાં બનાવ અને મેઇન બજારની દુકાન નિશાન બનતા વેપારી આગેવાનો પોલીસ સ્ટેશને દોડી ગયેલ હતા અને શહેરમાં દિવસે શહેરમાં પોલીસનાં રાઉન્ડ અને ટ્રાફિક જવાનો મુકવા તેમજ રાત્રીનાં હોમગાર્ડ, જીઆરડી, અને પોલીસનો ચુસ્ત બંદોબસ્ત મૂકાય તેવી માંગ કરેલ છે.

તસ્કરોની એમ ઓ અને બનાવની સિચ્યુશન જોવા માટે પીએસઆઇ આર. જે. જાડેજા તથા સ્ટાફનાં માણસો બનાવ સ્થળની વિઝીટ કરેલ જેમા  દુકાન અને તસ્કરોનાં -વેશનાં રસ્તાઓ ઉપર નિરીક્ષણ કરેલ હતું અને બનાવને લઈને યુવાન વેપારી ભવ્ય યોગેશભાઇ શાહ ની ફરીયાદ લઈ તસ્કરી અંગે તપાસ હાથ ધરવા તજવીજ કરેલ છે.

મેઇન બજારમાં ચોરીનો બનાવો બનતા વેપારીઓમાં ફફડાટ ફેલાયો છે. પોલીસને પણ હાઇવે અને ગામને જોડતા અનેક રસ્તાઓ હોવાથી અને મર્યાદિત હોમગાર્ડ આવતા હોવાથી ચોરીનાં બનાવો ડામવામાં ધારી સફળતા મળતી નહી હોવાનું કહેવાય છે.