લોધીકા પાસે અકસ્માતમાં સાંગણવા ગામના શામજીભાઇ કથીરીયાનું મોત

રાજકોટ, તા., ર૧: લોધીકા પાસે ફોર વ્હીલના ચાલકે બાઇકને હડફેટે લેતા બાઇક સ્વાર સાંગણવાના પટેલ વેૃધ્ધનું મોત નિપજયું હતું.

પ્રાપ્ત વિગતો મુજબ લોધીકાના સાંગણવા અને માખાવડ ગામ વચ્ચે ફોર વ્હીલ ચાલકે બાઇકને ઉલાળતા બાઇક સ્વાર  શામજીભાઇ રવજીભાઇ કથીરીયા (ઉ.વ.૬ર) (રહે. સાંગણવા, તા. લોધીકા)ને ગંભીર ઇજા થતા તેનું મોત નિપજયું હતું. બનાવ અંગે મૃતકના પુત્ર જગદીશ કથીરીયાએ અજાણ્યા ફોર વ્હીલ ચાલક સામે ફરીયાદ કરતા લોધીકા પોલીસે તપાસ હાથ ધરી છે.