જામનગરમાં માતાની સાથે તળાવે ગયેલ ૧૭ વર્ષની વિપ્ર તરૂણીએ બીપીની ૫૬ ગોળી ખાઇ જીવ ટૂંકાવ્યો
પાલિકાના કોન્ટ્રાકટર કવાડ કન્સ્ટ્રકશનની ઓફિસમાંથી ચોકીદાર જ ૧૭ લાખ લઇ ગયો : બે શખ્સો સામે ચોરીની રાવ
જામનગર તા. ૨૧ : અહીં ગોકુલનગરમાં રહેતા દિપક મનહરલાલ જોષી ઉ.વ. ૪૮ એ પોલીસમાં જાહેર કરેલ છે કે, તેમની દિકરી હીરલબેન દિપકભાઈ જોષી ઉ.વ. ૧૭ વાળી તેમની માતા યોગીતાબેન સાથે તળાવની પાળે ગયેલ અને બપોરના સુમારે કોઈ અગમ્ય કારણોસર બી.પી.ની પ૬ ગોળીઓ ખાઈ જતાં સારવાર અર્થે હોસ્પિટલે લઈ જતાં ફરજ પરના ડોકટરે તેઓને મૃત જાહેર કરેલ હતી. અહીં કૃષ્ણનગરમાં રહેતા અને જામનગર મહાનગરપાલિકામાં મોટા કામનો કોન્ટ્રાકટર તરીકે કામ કરતા કવાડ કન્સ્ટ્રકશન નામની પેઢી ધરાવતા રણછોડભાઈ ખીમજીભાઈ કવાડ ઉ.વ. ૪ર એ પોલીસમાં ફરીયાદ નોંધાવી છે કે, પેઢી કવાડ કન્સ્ટ્રકશનની ઓફીસમાં ચોકીદાર તરીકે કામ કરતો વિક્રમ બહાદુર તથા તેનીલ સાથેનો અજાણ્યો માણસએ બંધ ઓફીસમાં પ્રવેશ કરી ઓફીસમાં રાખેલ કબાટના લોક તોડી તેમાં રાખેલ રોકડ રૂ. ૧૭ લાખ લઈ જઈ એકબીજાને મદદગારી કરી ગુન્હો કરેલ છે.