પાર્ટીના ૪રમાં સ્થાપના દિનની જુનાગઢ શહેર ભાજપ દ્વારા ભવ્ય ઉજવણી
જુનાગઢ :.. ભારતીય જનતા પાર્ટીનો ૪રમો સ્થાપના દિને જુનાગઢમાં શહેર ભાજપના ઉપક્રમે દરેક વોર્ડમાં બુથ વાઇઝ ભાજપ સ્થાપના દિવસની ઉજવણી કરવામાં આવી હતી. પૂર્વ ડે. મેયર ગીરીશભાઇ કોટેચાના નિવાસ સ્થાન ખાતે તથા અગ્રણી બિલ્ડર નિલેશભાઇ ધુલેશીયાની નોબલ બિલ્ડર્સ ઓફીસ ખાતે અને પૂર્વ પ્રમુખ સંજયભાઇ કોરડીયાની હોટલ ખાતે ભાજપના સ્થાપના દિન ઉજવવામાં આવ્યો હતો. ત્યારબાદ શહેર ભાજપ કાર્યલય ખાતે ભાજપની પ્રદેશ કારોબારીમાં નિયુકત સભ્યો રાજેશભાઇ ચુડાસમા, પ્રદીપભાઇ ખીમાણી, શશીકાંતભાઇ ભીમાણી અને ગીરીશભાઇ કોટેચાનું શહેર પ્રમુખ પુનીતભાઇ શર્મા દ્વારા સન્માન કરવામાં આવ્યું હતું. સંસદસભ્ય રાજેશભાઇ ચુડાસમા, ભાજપ પ્રદેશ કારોબારીના નવનિયુકત સભ્યો પ્રદીપભાઇ ખીમાણી, ગિરીશભાઇ કોટેચા તેમજ શહેર ભાજપના પ્રમુખ પુનિતભાઇ શર્મા, પૂર્વ પ્રમુખ શશીકાંતભાઇ ભીમાણી, શહેર ભાજપના મહામંત્રીઓ શૈલેષભાઇ દવે, ભરતભાઇ શીંગાળા, પૂર્વ મેયર આદ્યાશકિતબેન મજમુદાર, મનપા શાસક પક્ષના નેતા નટુભાઇ પટોળીયા, ભાજપના યુવા અગ્રણી કૃષ્ણકાંતભાઇ રૂપારેલીયા, કોર્પોરેટર આરતીબેન જોષી, હિતેન્દ્રભાઇ ઉદાણી, મનુભાઇ મોકરીયા તેમજ ભાજપ યુવા મોરચાના પ્રયાગરાજ ટીલાવત, ગૌરવ રૂપારેલીયા, મનન અભાણી, રેનીશ ભટ્ટી, હેમાંશુ ગોરાણીયા વગેરે ઉપસ્થિત રહ્યા હતાં. અને ભારતીય જનતા પાર્ટીના ૪રમાં સ્થાપના દિનના અવસર પર દેશના વડાપ્રધાન નરેન્દ્રભાઇ મોદી અને ભારતીય જનતા પાર્ટીના રાષ્ટ્રીય પ્રમુખ જે. પી. નડ્ડાએ પાર્ટીના કાર્યકરોને કરેલ વર્ચ્યુઅલ સંબોધન સાંભળ્યું હતું.