News of Tuesday, 19th November 2019
મોરબીના રવાપર ગામે પિતાની અર્થીને કાંધ આપી દીકરીએ મુખા અગ્નિ આપી
દીકરીએ દીકરાની ફરજ નિભાવી પિતાને અંતિમ વિદાય આપી
મોરબીના રવાપર ગામે રહેતા ઠાકરશીભાઈ ડાયાભાઇ કાસુન્દ્રાનું અવસાન થતા તેમના બે પુત્રો સાથે એકની એક દીકરીએ પણ પિતાની અર્થીને કાંધ આપી હતી તેમજ સ્મશાને મુખા અગ્નિ આપીને સમાજને નવી રાહ ચીંધી છે
મોરબીના રવાપર ગામના માજી સરપંચ ગોપાલભાઈ કાસુન્દ્રાના કાકા ઠાકરશીભાઈ કાસુન્દ્રાનું ૬૨ વર્ષની ઉમરે અવસાન થયું છે ત્યારે તેમના દીકરા વિનોદભાઈ અને જયસુખભાઈ સાથે દીકરીએ પણ પિતાની અર્થીને કાંધ આપી હતી તેમજ સ્મશાન યાત્રામાં જોડાઈને સ્મશાન પહોંચીને પિતાની ચિતાને મુખા અગ્નિ પણ આપી હતી અને સમાજમાં જે દીકરા દીકરી વચ્ચે ભેદભાવ કરે છે તે લોકોને સંદેશ આપીને દીકરી પણ દીકરાની ફરજો નિભાવી સકે છે તેવો સંદેશ આપી સમાજને નવી રાહ ચીંધી છે
(1:20 am IST)