ખંભાળીયામાં મુસ્લિમ વ્યકિત સાથેનાં હનીટ્રેપ પ્રકરણમાં ૩ જેલહવાલે

ખંભાળીયા તા. ર૦: પોરબંદર રોડ પર પીરની દરગાહ પાસે દ્વારકાના મુસ્લિમ શખ્સ સાથે ૧.૧૦ લાખની લૂંટ તથા હનીટ્રેપના બનાવના સંદર્ભમાં પો.ઇ. અરવિંદસિંહ જાડેજા તથા પો.સ.ઇ. ચાવડા દ્વારા તપાસ હાથ ધરવામાં આવી હતી.

બસીર ખમીશા ભોકલ, ફિરોઝ ખમીશા ભોકલ તથા દાવા ડાકી ગઢવી રહે. પરોભયા વાળાને પકડીને બે દિવસની રીમાંડ પર લીધા હતા તેમની પુછપરછમાં ઠગાઇ કરીને લઇ લેવાયેલ ૧.૧૦ લાખ પૈકી ૭૦ હજાર રૂપિયા તેમણે જુદી જુદી જગ્યાએથી કાઢી આપતા પોલીસે તે કબજે કર્યા હતા તથા બે દિવસની રીમાંડ પૂરી થતાં કોર્ટ હવાલે કરતા જેલ હવાલે કરાયા છે.

બનાવમાં બસીરની પત્ની આનિગયાના બશીર ભોકલ કે જે ફરાર હોય તેને પકડી પાડવા માટે પોલીસે મોબાઇલ તથા અન્ય લોકેશનમાં તપાસ કરવાનું શરૂ કર્યું છે તથા બાકીની લૂંટની રકમ તેણીની પાસે હોવાનું આ ત્રણ આરોપીઓએ કબૂલ કર્યું હતું.