સૌરાષ્ટ્ર-કચ્છ
News of Monday, 20th May 2019

કોડીનારના મિત્યાજ ગામે બાઇક આ રીતે કેમ ચલાવો છો કહી યુવાન ઉપર રીક્ષાચાલક સહિત પ શખ્સોનો જીવલેણ હુમલો

કોડીનાર તા. ર૦: પણાદર ગામે રહેતા અને જી.ઇ.બી.માં સર્વિસ કરતા નગીનભાઇ કુંભાભાઇ વાઢેરએ નોંધાવેલી ફરીયાદમાં જણાવ્યા મુજબ નગીનભાઇ અને તેમના ભાઇ તેમની પત્નીઓ સાથે મોટર સાઇકલમાં ફાફણી ગામેથી સમુહ લગ્નમાંથી પરત ફરી રહ્યા હતા ત્યારે મિત્યાજ ગામે વાજા કાદુભાઇએ પોતાની રીક્ષા નગીનભાઇની મોટર સાયકલને ઘસીને કાઢી ઉલટો નગીનભાઇ ઉપર રોફ જમાવી તું કેમ આ રીતે મોટર સાયકલ ચલાવે છે તેમ કહી કાદુભાઇ અને તેના પુત્રો પ્રકાશ, ધીરેન અને અન્ય બે અજાણ્યા શખ્સોએ લોખંડનો પાઇપ નગીનભાઇના મોટાભાઇ રમેશભાઇના માથામાં મારી ગંભીર ઇજા કરતા પ્રથમ કોડીનાર દવાખાને સારવાર આપી વધુ માથામાં ઇજા ગંભીર હોય વધુ સારવાર અર્થે રાજકોટ વીરાણી વોકહાર્ટ હોસ્પિટલમાં ખસેડાતા ત્યાંથી ફરીયાદ નોંધાવતા ઝીરો નંબરથી ફરીયાદ કોડીનાર પોલીસમાં આવતા તેની વધુ તપાસ પી.એસ.આઇ. સોલંકી ચલાવી રહ્યા છે.

(11:56 am IST)