સૌરાષ્ટ્ર-કચ્છ
News of Tuesday, 19th January 2021

અમરેલી જીલ્લા કોંગ્રેસ સમિતીના કાયમી પ્રમુખ તરીકે ડી.કે. રૈયાણીની નિમણૂંક

સાવરકુંડલા-અમરેલી, તા. ૧૯ :. અમરેલી જીલ્લા કોંગ્રેસ સમિતિ ના પ્રમુખ તરીકે શ્રી ડી.કે,રૈયાણી ના નામ ની પસંદગી કરવામાં આવેલ છે ઓલ ઇન્‍ડિયા કોંગ્રેસ કમિટી ના જનરલ સેક્રેટરી શ્રી કે.સી.વેણુગોપાલ દ્વારા જાણ કરવામાં આવી છે કે અમરેલી જીલ્લા કોંગ્રેસ કમિટી ના પ્રમુખ તરીકે શ્રી ધીરજલાલ ખીમજીભાઈ રૈયાણી ના નામ નો પ્રસ્‍તાવ કોંગ્રેસ પ્રમુખ શ્રીમતી સોનિયાજી દ્વારા મંજુર કરવામાં આવ્‍યો છે .અને આ અંગે ની લેખિત માં જાણ કરી દેવા માં આવી છે .ઉલ્લેખનીય છેકે શ્રી ડી.કે.રૈયાણી લેઉવા પટેલ ચેરીટેબલ ટ્રસ્‍ટ ના પ્રમુખ અને પટેલ સમાજ ના અગ્રણી છે તેઓ દ્યણા સમય થી જનસેવક તરીકે કોંગ્રેસ પક્ષ માં વિવિધ સેવા બજાવે છે . અમરેલી જીલ્લા કોંગ્રેસ સમિતિ માં વિદ્યાર્થી કાળથી એનએસયુઆઈમાં સક્રિય રહેલ અને આજ પર્યંત કોંગ્રેસ પક્ષ ના તમામ કાર્ય માંખુબજ સક્રિયતા થી કામ કરતા શ્રી ડી.કે.રૈયાણીની અમરેલી જીલ્લા કોંગ્રેસ સમિતિ ના પ્રમુખ તરીકે આદરણીય શ્રીમતિ સોનિયાજી દ્વારા વરણી થતા સમગ્ર અમરેલી જીલ્લા ના કોંગ્રેસ અગ્રણીઓ અને કાર્યકરો માં ખુશી નો માહોલ છવાયો છે .શ્રી ડી.કે.રૈયાણી ની નિમણુક ને ગુજરાત વિધાનસભા વિરોધપક્ષ ના નેતા પરેશભાઈ ધાનાણી, ધારાસભ્‍ય વિરજીભાઈ ઠુંમર, પ્રતાપભાઈ દુધાત, અંબરીશ ભાઈ ડેર, પૂર્વ સાંસદ નવીનચંદ્ર રવાણી, પૂર્વ મંત્રી ધીરુભાઈ દુધવાળા ,પૂર્વ ધારાસભ્‍ય  ઠાકરશીભાઈ મેતલિયા, જીલ્લા કોંગ્રેસના પૂર્વ પ્રમુખ અર્જુનભાઈ સોસા, પંકજભાઈ કાનાબાર, શંભુભાઈ દેસાઈ, જીલ્લા પંચાયત પૂર્વ પ્રમુખ ડો.જસાણી, મૂળશંકરભાઈ તેરૈયા, જેનીબેન ઠુંમર, રવજીભાઈ વાઘેલા ગુજરાત પ્રદેશ કોંગ્રેસના અગ્રણીઓ  ચંદ્રેશભાઈ રવાણી, બાબુભાઈ રામ, સુરેશભાઈ કોટડીયા, તથા તમામ સેલ-મોરચાના જીલ્લા પ્રમુખશ્રીઓ તથા  દરેક કોંગ્રેસ અગ્રણીઓ અને કાર્યકરો દ્વારા ખુબ જ ઉત્‍સાહપૂર્વક આવકારવામાં આવેલ  છે.                                 

(11:08 am IST)