લખતરમાં માતાની નજર સામે પુત્રએ પ્રાણ ખોયા

લખતરના સી. એન. જી. પમ્પ પાસે કડુ ગામનો યુવાન દીપકભાઇ દિલીપભાઇ ઉર્ફે દિલભાઇ મકવાણા ચુ. કોળી ઉ.૧૯ પોતાની માતા ગીતાબેન દિલીપભાઇ ઉર્ફે દિલાભાઇ મકવાણા ચુ. કોળી ઉ.૪પ સાથે લખતર ઘરકામ અર્થે આવી રહ્યા હતાં. ત્યારે સુરેન્દ્રનગર થી વિરમગામ તરફ જઇ રહેલા ડમ્પર સાથે અકસ્માત સર્જાયો હતો. તેમાં કડુના યુવાન દિપક દિલીપભાઇ મકવાણાનું ઘટના સ્થળે તેની માતા ગીતાબેન સામે કમકમાટી ભર્યુ મોત થયું હતું. જયારે અકસ્માત થતા યુવકનું બાઇક સળગી ઉઠતા અફરાતફરીનો માહોલ સર્જાયો હતો. આ ઘટનાની જાણ લખતર પોલીસને કરતા તુરંત ઘટના સ્થળે દોડીને યુવાનની લાશને પી.એમ. માટે લખતર સી. એચ. સી. અને માતાને સામાન્ય ઇજા થતાં સારવાર અર્થે દવાખાને ખસેડી હતી. જયારે ડમ્પર ચાલક ડમ્પર મુકી નાસી છૂટયો હતો. બાદમાં પોલીસે ડમ્પર ચાલક વિરૂધ્ધ પોલીસ ફરીયાદ નોંધી ડમ્પરને લખતર પોલીસ સ્ટેશનમાં સોંપી ડમ્પર ચાલકને પકડવા તપાસના ચક્રો ગતિમાન કર્યા હતાં.