સિદ્ધપુર કોર્ટ સંકુલમાં દારૂ કેસનો આરોપી અચાનક ઢળી પડતા મોત
પાટણ તા. ૧૮: સિદ્ધપુર ખાતે કોર્ટના સંકુલમાં દારૂના કેસમાં જામીન મેળવવા લવાયેલો આરોપી એકાએક ઢળી પડયો અને તેનું મૃત્યુ થતાં સમગ્ર કોર્ટ સંકુલમાં ખળભળાટ મચી જવા પામ્યો હતો.
સિદ્ધપુરના કેશ કલબ વિસ્તારમાં રહેતા પટેલ હરેશ અંબાલાલ રે. ખટાસણને પ્રોહિબીશનના ગુન્હામાં પકડયો હતો. જેને તા. ૧૬ના રોજ જામીન મેળવવા સિદ્ધપુર કોર્ટમાં રજુ કરાવ લાવવામાં આવેલ હતો ત્યારે આરોપી વકીલ પાસે સહી કરતા અચાનક ઢળી પડયો હતો જેથી કોર્ટ સંકુલમાં સન્નાટો છવાઇ ગયો હતો. પોલીસ તેને સારવાર અર્થે હોસ્પિટલે ખસેડતા ડોકટરે તેને મૃત જાહેર કરેલ. મૃતકનું પી.એમ. કરાવવા અમદાવાદ સીવીલમાં ખસેડવામાં આવેલ છે. મૃતક કસ્ટડી ડેથ હોવાથી તેની લાશનંુ પી.એમ. પેનલ ડોકટરની ટીમ દ્વારા કરાશે તેમ જાણવા મળે છે, મૃતક અંગે તરેહ તરેહની ચર્ચા સાંભળવા મળી હતી.