ગાંધીધામમાં પોલીસ કર્મચારી ઉપર હુમલોઃ કૂતરા ભસાવાના મુદે બબાલ

ભૂજ, તા.૧૭: ગાંધીધામની મુખ્ય બજારના રહેણાંક વિસ્તારમાં પોતાના ઘરની બહાર રાત્રે ખાટલો ઢાળીને સૂતેલા પોલીસકર્મી કિશોર ભઠ્ઠરને સામાન્ય મુદે થયેલી બોલાચાલીમાં માર મરાયો હતો. રાત્રે ત્યાંથી પસાર થતાં બે બાઇક ચાલકો સામે કૂતરાઓ ભસતાં બાઇક ખાટલા સાથે અથડાયુ હતું.

આ અંગે કૂતરો કેમ ભસ્યા એ મુદે સામાન્ય બોલાચાલી થતાં અજાણ્યા બાઇક સવારોએ પોલીસકર્મી કિશોર ભઠ્ઠર ઉપર હુમલો કરી નાકનું હાડકુ ભાંગી નાંખ્યુ હતું. જો કે આ મામલે પોલસે સમર્થન આપ્યુ છે. પણ પોલીસ ફરિયાદ કરાઇ ન હોવાનું જણાવ્યુ છે.