પોરબંદરમાં પોલીસતંત્રના જવાબદાર દ્વારા મહિલા અગ્રણી સાથે અભદ્ર વર્તન
તટસ્થ તપાસ કરીને ઇન્સ્પેકટરને સસ્પેન્ડ કરવા એસ.પી.ને રજૂઆત
પોરબંદર તા. ૧૭: મહિલા અગ્રણી લીલુભાઇ નરેન્દ્રભાઇ ભુતિયાએ જિલ્લા પોલીસ અધિક્ષકને રજુઆત કરીને કીર્તિ મંદિર પોલીસ સ્ટેશનના પોલીસ ઇન્સ્પેકટરે પોતાની સાથે અભદ્ર વર્તન કરેલ હોય કાયદેસર કાર્યવાહી કરવા માગણી કરી છે.
રજૂઆતમાં લીલુબેન ભૂતિયાએ જણાવેલ કે ર પક્ષો વચ્ચે ઝઘડાના સમાધાન માટે કીર્તિ મંદિર પોલીસ સ્ટેશનમાં ગયેલ અને પી.આઇ.ની ચેમ્બરમાં રજૂઆત કરીને સમાધાન માટે કહ્યું હતું ત્યારે પી.આઇ.એ ઉશ્કેરાયભર્યું વર્તન અને અભદ્ર વર્તન કરીને જણાવેલ કે કોઇપણ અધિકારી પાસે જવું હોય ત્યાં જાવ મારૃં કોઇ બગાડી શકે નહીં.
મહિલા અગ્રણી લીલુબેને અભદ્ર વર્તનમાં તટસ્થ તપાસ કરીને પોલીસ ઇન્સ્પેકટરને સસ્પેન્ડ કરવા પગલા લઇને માગણી કરીને પગલા નહીં લેવાય તો કોર્ટમાં જવાની ચીમકી એસ.પી.ને રજુઆત સાથે આપી છે. (૭.ર૬)