News of Monday, 15th April 2019
લલીત કગથરાને લોધિકા વિસ્તારમાં ઝંઝાવાતી પ્રવાસ
જિ. કોંગ્રેસ પ્રમુખ હિતેષ વોરા, તા. પ્રમુખ મયુરસિંહ જાડેજા સાથે રહ્યા
રાજકોટ : લોકસભા-૧૦ના કોંગ્રેસ પક્ષના ઉમેદવાર શ્રી લલીતભાઈ કગથરા લોધીકા તાલુકાના હીરપર પાળથી શરૂ કરી વાજડી, ખીરસરા, મોટાવડા ઈટાળા, નગર પીપળીયા મામાવડ, પાળ, કાંગશીયાળી પારડી સહિત ૨૧ ગામોમાં પ્રચાર અર્થે ગયેલ જે દરમિયાન કોંગ્રેસને પ્રચંડ જન સમર્થન મળેલ. લલીતભાઈ સાથે જીલ્લા કોંગ્રેસ પ્રમુખ હિતેષ વોરા તા. કોંગ્રેસ પ્રમુખ મયુરસિંહ જાડેજા જીલ્લા પંચાયતના સભ્યો સવજીભાઈ પરમાર, મેઘજીભાઈ સાકરીયા, તાલુકા પંચાયત સભ્યો સંજયભાઈ સોજીત્રા, ગોવિંદભાઈ પરમાર, અજીતદાન ગઢવી, રસીકભાઈ ભુત, શૈલેષભાઈ નંદાશીયા તેમજ કોળી સમાજના પ્રમુખ શિવાભાઈ, જીલ્લા ઉપપ્રમુખ મહેન્દ્રસિંહ સહિત ૪૦ વ્યકિતઓ ૧૦ ગાડીના કાફલા સાથે જોડાયા હતા.
(4:26 pm IST)