રાણાવાવના બોરીયાનેસમાં રબારી પિતા-પુત્ર પર તલવાર-ધારીયાથી હુમલો

ગાળો બોલવાની ના પાડતાં ડખ્ખોઃ બંનેને રાજકોટ ખસેડાયા

રાજકોટ તા. ૧૫: રાણાવાવના બોરીયાનેસ ગામે સિમેન્ટ ફેકટરી પાસે રહેતાં રબારી પિતા-પુત્ર પર રાત્રીના રબારી શખ્સોએ તલવાર, ધારીયા, કાચની બોટલથી હુમલો કરી ઇજા કરતાં બંનેને રાણાવાવ સારવાર અપાવી રાજકોટ સિવિલ હોસ્પિટલમાં ખસેડાયા છે.

બારવણ નેસમાં રહેતાં આલાભાઇ વસ્તાભાઇ (મોરી) રબારી (ઉ.૫૫) અને તેનો પુત્ર બાલુ આલાભાઇ મોરી (રબારી) (ઉ.૨૩) રાત્રે સાડા નવેક વાગ્યે ગામમાં પાનની દૂકાન પાસે હતાં ત્યારે પુંજા વીરાભાઇ મોરી, ગલ્લા કરણાભાઇ અને વીરા કરણાભાઇએ આવી ઝઘડો કરી સશસ્ત્ર હુમલો કરતાં માથા-શરીરે ઇજા થતાં રાજકોટ દાખલ કરવામાં આવ્યા છે. પુંજા સહિતનાએ ગાળાગાળી કરતાં હોઇ ના પાડતાં આ હુમલો થયાનું પ્રાથમિક તપાસમાં ખુલ્યું છે. (૧૪.૫)