News of Wednesday, 15th May 2019
વઢવાણના મુંજપરમાં છેડતી કરી માતા-પુત્રીને ધમકી આપી
વઢવાણ તા.૧પ : મુંજપરમાં ઉકરડે કચરો નાંખવા જતી યુવતીની છેડતી કરી માતા-પુત્રીને ગાળો આપી જાનથી મારી નાંખવાની ધમકી આપ્યાની પોલીસ ફરિયાદ નોંધાઇ છે.
જોરાવરનગર વઢવાણના મુંજપરામાં રહેતા પરિવારની મોટી પુત્રીને થોડા સમય પહેલા રાજુભાઇ કાલિયા નામનો શખ્સ ભગાડી ગયો હતો. તા.૯ મેના રોજ બપોરના સમયે પરિવારની નાની પુત્રી કચરો નાંખવા ઉકરડે જતી હતી. રાજુભાઇએ પાછળ જઇ છેડતી કરી અભદ્ર માંગણી કરી હતી. આ સમયે યુવતીની માતા આવી જતા રાજુભાઇને મર્યાદામાં રહેવાનું જણાવતા ઉશ્કેરાઇ જઇને રાજુભાઇ તથા તેમના ભાઇ ગોપાલભાઇ કાલીયાએ માતા-પુત્રીને ગાળો આપી જાનથી મારી નાંખવાની ધમકી આપી હતી.
(11:28 am IST)