સૌરાષ્ટ્ર-કચ્છ
News of Thursday, 15th February 2018

જામનગરમાં સાંજે 'રાઇડ ફોર પ્રાઇડ'

હાફ મેરેથોનના પ્રમોશન, પર્યાવરણ પ્રત્યે જાગરૂકતા લાવવા, સ્વચ્છતાનો સંદેશ પહોંચાડવા સૌ પ્રથમવાર યોજાશે 'બુલેટ રેલી'

જામનગર તા. ૧પ :.. અહીયા સદભાવના ગ્રુપ અને ફીઝીકલ ફાઉન્ડેશન ઓફ ઇન્ડીયા ધર્મરાજસિંહ જાડેજા (ચેરમેન -પેફી-ગુજરાત રાજય)ના નેજા હેઠળ તા. રપ મીએ સવારે ૬ કલાકે કિલન એન્ડ ગ્રીન જામનગર ની થીમ હેઠળ આંતરરાષ્ટ્રીય કક્ષાની સ્પર્ધા જામનગર હાફ મેરેથોન-ર૦૧૮ નું મેગા આયોજન કરવામાં આવેલ છે.

જેના પ્રમોશન તેમજ જામનગર શહેરની જનતામાં પર્યાવરણ પ્રત્યે જાગરૂકતામાં વધારો લાવવાના ઉમદા હેતુસર સૌ પ્રથમ વખત 'બુલેટ રેલી' આજે સાંજે પ પ્રદર્શન ગ્રાઉન્ડ થી પ્રસ્થાન થશે. જે સમગ્ર શહેરમાં ફરી વળી શહેરના નાગરીકોને પર્યાવરણ પ્રત્યે પોતાની જવાબદારી નિભાવવા અને સ્વચ્છતાનો સંદેશ પાઠવશે.

બુલેટ રેલી ને સફળ બનાવવા સદભાવના ગ્રુપ તેમજ પેફીના હોદેદારો અને કાર્યકર્તાઓ જહેમત ઉઠાવી રહ્યા છે.

(12:40 pm IST)