વ્યવહારિક કામે સાસરાયે જઇ રહેલ બાઇક સ્વાર ખેડૂત પુત્રનું ટ્રેલરની ઠોકરે મોત
મોટી મોલડીના યુવાનનો ભોગ લેવાયોઃ એકને ઇજા
ચોટીલા તા. ૧૪ : મોટી મોલડી ગામનો યુવાનઙ્ગકૌટુંબિક ભાઇ સાથેઙ્ગવ્યવહારિક કામે સાસરીમાં બાઇક લઇને જતા હતા ત્યારે હાઈવે ઉપર પાછળથી આવતા ટ્રેલરે ટક્કર મારતાં ઘટના સ્થળે જયંતીભાઈ મેઘાણીનુંં મૃત્યુ નીપજેલ સાથેની વ્યકિતને ગંભીર ઇજા પહોચતા રાજકોટ ખસેડવામાં આવેલ છે
અકસ્માતની પ્રાપ્ત માહિતી મુજબ મોટી મોલડી ગામના ખેડૂત વિરજીભાઇ અણદાભાઇ મેધાણીનો મોટો પુત્ર જયંતીભાઇ વ્યવહારિક કામ સબંધે પિતરાઇ ભાઇ વિપુલ માધાભાઇ મેઘાણી સાથે બાઇક લઇને વાકાનેરના રૂપાવટી ગામે સોમવારનાં બપોર બાદ જતા હતા ત્યારે ચોટીલા રાજકોટ હાઇવે ઉપરનાં નાની મોલડી ગામની આગળ જતા પાછળથી પુર ઝડપે ગફલત ભરી રીતે આવતા ટ્રેલરે જોરદાર ટકકર મારતા બંને રોડ ઉપર ફંગોળાઇ પટકાતા ગંભીર ઇજાઓ પહોચેલ હતી આસપાસનાં લોકો દોડી આવતા જોતા સથળ ઉપર જયંતીભાઇ મેઘાણી (ઉ.વ ૨૫)નું કમકમાટી ભર્યુ મૃત્યુ નિપજયું હતું સાથેના વિપુલભાઇને ગંભીર ઇજા પહોચતા ૧૦૮માં ચોટીલા હોસ્પિટલ લાવવામાં આવેલ.ઙ્ગ
મૃતક બે પુત્રીનાં પિતા અને ત્રણ ભાઇઓમાં સોથી મોટા હતા તેમના અવસાન થી પરિવાર અને ગામમાં શોકનું મોજુ ફરી વળ્યું છે.