આજથી દ્વારકા જગત મંદિર શિખર ઉપર ધ્‍વજાજી ચડાવવા માટે ફકત ૨૦ ભકતોને મંજૂરી અપાશે

તમામ લોકો પાસે બંને રસી લીધી છે તેના આધાર અને કોરોના નેગેટિવ રિપોર્ટ સાથે હશે તેને મંદિરમાં પ્રવેશ અપાશે

(વિનુભાઇ સામાણી દ્વારા) દ્વારકા તા. ૧૫ : હાલમાં ગુજરાત સહિત દેશભરમાં કોરોના કેસમાં વધારો થઈ રહ્યો છે એટલે દેવભૂમિ દ્વારકા જિલ્લામાં આવેલા જગત મંદિર દ્વારકાધીશના શિખર ઉપર આજે શનિવારથી રોજની પાંચ ધ્‍વજાજી ચડાવવા માટે આવતા શ્રદ્ધાળુઓની સંખ્‍યામાં માત્ર ૨૦ લોકોને મંદિરમાં જવાની મંજૂરી આપવામાં આવશે. સાથે સાથે તમામ લોકો પાસે બને રસી લીધી છે તેના આધાર અને કોરોના નેગેટિવ રિપોર્ટ સાથે હસે તેને મંદિરમાં પ્રવેશ આપવામાં આવશે. તેવું વહીવટદાર શ્રી દ્વારકાધીશ મંદિર દ્વારા જાહેર કરવામાં આવ્‍યું છે.