કલ્યાણપુર, ખંભાળિયા, દ્વારકામાંથી ૧૩ બોટલ દારૂ સાથે ત્રણ ઝડપાયા

ખંભાળીયા,તા.૧૫: કલ્યાણપુરના બામણાસા ગામના પાટીયા પાસેના પસાર થતાં શખ્સને વિદેશી દારૂની બોટલ નંગ ૧૦ સાથે પોલીસે ઝડપી લીધો હતો. કલ્યાણપુર તાલુકાના ગાગા ગામે રહેતો યુવરાજસિંહ તખુભા વાઢેર (ઉવ.૩૪)નો શખ્સ બામણાસર ગામના પાટીયા પાસેથી શંકાસ્પદ રીતે પસાર થતાં પોલીસે આંતરી તલાશી લેતા શખ્સ પાસેથી વિદેશી દારૂની બોટલ નંય ૧૦ કિ. રૂ. ૪૦૦૦ની મળી આવતા શખ્સને ઝડપી લઇ કલ્યાણપુર પોલીસે ગુનલ નોંધી કાર્યવાહી કરી હતી. જયારે બીજા ગુનામાં ખંભાળિયાના સલાયા નાકા દિપકમીલ પાસે રહેતો સોયબ સુમાર સમા (ઉવ.૨૫)નો યુવાન ગુજરાત મીલ પાસેથી પસાર થઇ રહ્યો હતો. ત્યારે પોલીસે તેની તલાશસ લેતા શખ્સ પાસેથી ઇંગ્લીંશ દારૂની બોટલ નંગ ૧ કિ. રૂ.૫૦૦ની મળી આવતા શખ્સની અટકાયત કરી હતી. જ્યારે પોલીસે કાના દેવા માતકા નામના શખ્સને નર સંગ ટેકરી વિસ્તારમાંથી બે બોટલ વિદેશી દારૂ સાથે તેમના રહેણાંક મકાનમાંથી ઝડપી લીધો હતો.