News of Friday, 14th September 2018
રાજકોટ-અમદાવાદ હાઇ-વે ઉપર વસ્તડી ગામના પાટીયા પાસે ગેસ ભરેલુ ટેન્કર પલ્ટી જતા નાસભાગ
ક્રેઇનની મદદથી ટેન્કરને સલામત સ્થળે લઇ જવાયું
વઢવાણ, તા., ૧૪: રાજકોટ-અમદાવાદ હાઇ-વે ઉપર વસ્તડી ગામના પાટીયા પાસે મોડી રાત્રીના પલ્ટી મારી જતા આ ગેસ ટેન્કર વિશાળકાય વૃક્ષ સાથે અથડાઇ પલ્ટી જતા દોડધામ મચી ગઇ હતી.
આ ટેન્કર પલટતા હાઇવે ઉપર પસાર થતા વાહનો અટકી પડયા હતા અને આ પલટેલા ટેન્કરમાં ગેસ ભરેલો હોવાના કારણે ભયનો માહોલ છવાઇ ગયો હતો. આ ઘટનાની જાણકારી લીંમડા પોલીસ મથકને આપવામાં આવતા તુરત જ આ ઘટના સ્થળ ઉપર ફાયર ફાઇટરો સાથે દોડી આવ્યા હતા.
આ પલ્ટાયેલા ટેન્કરને ક્રેઇનની મદદ દ્વારા ઉભુ કરતા લોકોના જીવ તાળવે ચોંટયા હતા. જે ટેન્કર ઉભુ કરાતા શાંત બન્યા હતા અને હાઇવેને પણ પુર્વવતઃ કરાવવામાં આવ્યો હતો. (૪.૪)
(4:00 pm IST)